ބޮލީވުޑްގެ ސްޕަސްޓާރު ޝާހުރުކް ހާން އައު ފިލްމް ތަކެއް އިއުލާން ކުރަން ރައްޔާރުވަމުން އަންނަ ކަމަށް މުނިފޫހި ފިލުވުމުގެ ހަބަރުތަށް ގެނެސްދޭ ނޫސްތަކުން ބުނަން ފަށައިފިއެވެ.
މިހާރު ޝާހު އަންނަނީ އޭނާ އާއި ދޮށި އަންހެން ދަރިފުޅުގެ އަލަތު ފިލްމް ގެ މަސައްކަތް ކުރަމުންނެވެ. ރިޕޯޓްތައް ބުނާ ގޮތުން އެ ފިލްމަކީ ދަރިފުޅު ސުހާނާ ޚާނާ އެކީ ކުޅެން ހަމަޖެހިފައިވާ އެކްޝަން ތުރިލާ "ދަ ކިންގް" އެވެ. އަދި އޭގެ ޑައިރެކްޓަރަކީ ސުޖޯއި ގޯޝް ކަމަށް ވެސް މީޑިއާތަކުން ބުނެ އެވެ. ނަމަވެސް ފިލްމް އާއި ބެހޭގޮތުން ރަސްމީކޮން އަދި އެއްވެސް މައުލޫމާތެއް ހިއްސާއެއް ނުކުރެއެވެ.
ޕިންކްވިލާ އިން ބުނީ 58 އަހަރުގެ އެކްޓަރުގެ އާ ފިލްމުތައް މި މަސް ނިމުމުގެ ކުރިން އިއުލާން ކުރާނެ ކަމަށެވެ. އެކަމަކު އެއީ ކިތައް ފިލްމު ކަމެއް ހާމައެއް ނުކުރެއެވެ. މިދިއަ އަހަރަކީ ޝާހު އަށް ވަރަށް ކާމިޔާބު އަހަރެކެވެ. މިދިއަ އަހަރު ރިލީޒް ކުރި އޭނާގެ ތިން ފިލްމް ވެސް ވެގެން ގޮސްފައިވަނީ ސުޕަ ހިޓަށެވެ.
View this post on Instagram
ޝާހު ދާދި ފަހުން ބުނި ގޮތުގައި ދެން އެންމެ އަވަހަށް ފިލްމެއްގެ ޝޫޓިން ފަށަން އޮތީ މާޗް ނުވަތަ އެޕްރީލް މަހުގެ ތެރޭގަ އެވެ. އޭގެ ތަފުސީލަކަށް ނުގޮސް ކާމިޔާބު އެތައް ފިލްމެއް ކުޅެފައިވާ ޝާހްރުކް ބުނީ އެއީ އޭނަގެ އުމުރާ ވަރަށް ގުޅޭ ކަހަލަ ރޯލެއް ކުޅޭނެ ފިލްމެއް ކަމަށެވެ.
