ރާއްޖޭގައި ތިބި 88 އިންޑިއާ ސިފައިން މާޗް މަހުގެ 15 ވަނަ ދުވަހުގެ ކުރިން ރާއްޖެއިން ގެންދިޔުމަށް ދިވެހި ސަރުކާރުން އެދިފައިވާކަން ރައީސް އޮފީހުން ހާމަ ކޮށްފިއެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިކަން ހާމަކޮށްފައިވަނީ ޕްރިންސިޕަލް ސެކްރެޓަރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމްއެވެ.
އޭނާ ވިދާޅުވީ ވިދާޅުވީ ރާއްޖޭގައި ތިބި އިންޑިއާ ސިފައިން ފޮނުވާލުމުގެ މަސައްކަތް ރައީސް މުހައްމަދު މުއިއްޒު ރައީސްކަމުގެ ހުވާކުރެއްވި ފުރަތަމަ ދުވަހުން ފެށިގެން ބާރަށް ކުރިއަށްގެންދާ ކަމަށެވެ.
ނާޒިމް ވިދާޅުވީ އެކަމާ ގުޅޭގޮތުނ މިހާތަނަށް 11 ބައްދަލުވުމެއް ބާއްވާފައިވާ ކަމަށެވެ. އަދި މިއަދު ފޮރިން މިނިސްޓްރީގައު ބޭއްވުނީ އެކަމާއި ގުޅޭ 12 ވަނަ ބައްދަލުވުން ކަމަށްވެސް ނާޒިމް ވިދާޅުވިއެވެ.
އަދި އޭވިދާޅުވީ މިއަދުގެ ބައްދަލުވުމުގައި 15 މާޗުގެ ކުރިން އިންޑިއާ ސިފައިން މި ގައުމުން ބާލަން ހުށަހަޅުއްވާފައިވާ ކަމަށެވެ.
ނާޒިމް ވިދާޅުވީ އެ ބައްދަލުވުމުގައި އިންޑިއާގެ ސަފީރާއި ޖޮއިންޓް ސެކްރެޓަރީގެ އިތުރުން އިންޑިއާއިން ވަޑައިގެން އުޅުއްވާ އެހެނިހެން ބައެއް އިސް ފަރާތްތައް ވެސް ބައިވެރިވަޑައިގަންނަވާ ކަމަށާއި ރާއްޖޭގެ ފަރާތުން ފޮރިން މިނިސްޓްރީގެ އިސް ބޭފުޅުންނާއި ރައީސް އޮފީހުގެ ބައެއް އިސް ފަރާތްތައް ވެސް އެ ބައްދަލުވުމުގައި ބައިވެރިވެވަޑައިގަންނަވާ ކަމަށެވެ.
ސަރުކާރުން އެންމެ ފަހުން ހާމަކޮށްފައިވާ ގޮތުގައި، މި ވަގުތު ރާއްޖޭގައި ތިބީ އިންޑިއާގެ 88 ސިފައިންނެވެ. އިންޑިއާ ސިފައިން ބޭލުމަކީ ރައީސް މުއިއްޒުގެ ރިޔާސީ ވައުދެކެވެ.
