އިންޑިއާއިން ރާއްޖޭއަށް ކަނޑައަޅުއްވާފައި ހުންނަވާ ސަފީރު މުނޫ މަހާވަރު އިސްކޮށް ހުންނަވާ، ޚާއްސަ މަޝްވަރާތަކަކަށް، އިންޑިއާގެ ޑިޕްލޮމޭޓުންގެ ވަފުދެއް ފޮރިން މިނިސްޓްރީއަށް ވަޑައިގެންފިއެވެ.
މައުލޫމާތު ލިބިފައިވާ ގޮތުގައި މި މަޝްވަރާތަކަކީ ރާއްޖޭގައި ތިބި އިންޑިއާގެ 89 ސިފައިން އަނބުރާ އެގައުމަށް ފޮނުވާލުމާއި ގުޅޭގޮތުން ކުރިޔަށް ގެންދާ މަޝްވަރާތަކެކެވެ.
ރައީސް މުއިއްޒު ޗައިނާއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު ރާއްޖެ ވަޑައިގެން ވިދާޅުވީ އަންނަ މާރޗްމަހުން ފެށިގެން ބަލި މީހުން އުފުލަށް އިންޑިއާގެ ބޯޓުތައް ދެން ބޭނުން ނުކުރާނެ ކަމުގައެވެ.
އިންޑިއާއާއި ރާއްޖެއާ ދެމެދު ކުރިޔަށްދާ މަޝްވަރާތަކުގެ މައުލޫމާތު ދެގައުމުންވެސް އަދި ހާމަކޮށްފައެއް ނުވެއެވެ. އެހެންނަމަވެސް ރާއްޖެއިން ކުރިން ބުނެފައިވަނީ މި މަޝްވަރާތައް ކުރިޔަށްދަނީ ދެ ގައުމުގެ އިސް އޮފިޝަލުންގެ ޓީމެއްގެ މެދުގައި ކަމުގައެވެ.
