ބޮލީވުޑްގެ މަޝްހޫރު އެކްޓަރު އާމިރު ހާންގެ އަންހެން ދަރިފުޅު އިރާ ހާން ކައިވެނި ކޮށްފިއެވެ.
ވަރަށް ކުލަގަދަކޮށް މި ކައިވެނި ބާއްވާފައިވާ އިރުގައި މި ކައިވެނި ކުރެވިގެން ދިއައީ އިއްޔެގެ ވަގުތެއްގައިއެވެ. އުމުރުން މިހާރު 25 އަހަރުގެ އިރާ ކައިވެނިކުރީ ފިޓްނެސް ޓްރެއިނަރެއް ކަމަށްވާ ނުޕޫރް ޝިކާރޭއާ އެވެ.
އެމީހުން ލޯބީގެ ގޮތުން ގުޅިގެން އުޅޭތާ މިހާރު ވަނީ ގިނަ ދުވަސްތަކެއް ވެފައިއެވެ. އެމީހުން އުޅެމުން ވެސް އަންނަނީ ލިވިން ރިލޭޝަންޝީޕްއެއަގައިއެވެ. ތިއޭޓަ ޕްލޭ ޑައިރެކްޓަރެއްގެ ގޮތުގައި މަސައްކަތްކުރާ އިރާ އާއި ނުޕޫރް އެންގޭޖްވީ މިދިޔަ އަހަރުގެ ސެޕްޓެމްބަރު މަހުގެ ތެރޭގަ އެވެ.
އެ ދެ މީހުން ކައިވެނިކުރީ މުމްބާއީގެ ތާޖު ލޭންޑްސް އެންޑްސްގައި ރޭ ބޭއްވި ހަފުލާއެއްގަ އެވެ. މި ހަފްލާގައި ގިނަދަދެއްގެ ތަރިންގެ އިތުރުން އިންޑިއާގެ މަހުޖަނު މުކޭޝް އަންބާނީވެސް ވަނީ ބައިވެރިވެފައިއެވެ.
އިރާ އަކީ އާމިރުގެ ތިން ކުދިންގެ ތެރެއިން ހަމަ އެކަނި އަންހެން ކުއްޖާއެވެ. ދެން ހުންނަނީ ޖުނައިދު ހާންއެވެ. އެއީ އާމިރު އާއި ރީނާ ދައްތާގެ ކައިވެންޏަށް ލިބިފައިވާ ދެކުދިންނެވެ. އެންމެ ހަގައް ހުންނަނީ އަޒާދްއެވެ. އެއީ އާމިރު އާއި ކިރަން ރާއޯގެ ދަރިއެކެވެ. އާމިރުގެ ދެކައިވެނި ވެސް ވަނީ ރޫޅީފައިއެވެ.
ކޮމެންޓު ފޮނުވާ