ޕީއެންސީގެ މެންބަރުންގެ ޢަދަދު 40 ހާހުން މައްޗަށް އަރާފައިވާކަމަށް އެޕާޓީން ބުނެފިއެވެ.
ދިވެހީންގެ ރާއްޖެ ފެށުން ނަމުގައި ދަރުބާރުގޭގައި މިހާރު ކުރިއަށްދާ ޖަލްސާގައި ވާހަކަފުޅު ދައްކަވަމުން ޕީއެންސީގެ ޗެއަރޕާސަން ޢަބްދުއްރަޙީމް އަބްދުﷲ ވިދާޅުވީ ރިޔާސީ އިންތިޚާބާ ކުރިމަތިލީއިރު އެޕާޓިގެ މެންބަރުންގެ ޢަދަދަކީ 3022 ކަމަށެވެ. ނަމަވެސް ރިޔާސީ އިންތިޚާބު ކާމިޔާބުކުރުމަށްފަހު މިހާތަނަށް އެޕާޓިގެ މެންބަރުންގެ ޢަދަދު 40،000އިން މައްޗަށް އަރާފައިވާކަމަށް ޢަބްދުއްރަޙީމް ވިދާޅުވިއެވެ.
އަންގައިދެނީ ރިޔާސީ އިންތިޚާބުގައި ރައްޔިތުން ނިންމި ނިންމުން ރައްޔިތުން ބަލައިގަނެ ކުރިއަށްދާން ތައްޔާރަށްކަންކަމަށެވެ. އަދި ދިވެހީންގެ ރާއްޖެ ބިނާކުރަން ދިވެހީން ތިބީ ތައްޔާރަށްކަން މިކަމުން ދައްކުވައިދޭކަމަށް އަބްދުއްރަހީމް ވިދާޅުވިއެވެ.
ދުނިޔެއަކީ އަންނަމުން، މަޑުޖެހެމުން ފުރެމުންދާ ތަނެއް ނޫން. މަޑުޖެހެމުންދާ ވަގުތު އަޅުގަނޑުމެންނަށް އޮންނަނީ މަޑުޖެހުނު ވަގުތު ރަނގަޅުގޮތުގައި ބިނާކުރުން. ފުރަން ޖެހުނީމާ ދެން ޖެހޭނީ ފުރަން. އިއްޔެ ކަންކަމާ ހަވާލުވެ ތިބި މީހުން މިއަދު ކަންކަމާ ހަވާލުވެ ތިބެންޖެހުމަކީ ލާޒިމުކަމެއް ނޫން. އިއްޔެ ކަންކަން ކުރި ގޮތަށް މިއަދު ތިބި ބަޔަކު ކަންކަން ކުރުމަކީ ވާޖިބު ކަމެއް ނޫން.
– ޢަބްދުއްރަހީމް ވިދާޅުވިއެވެ.
ޢަބްދުއްރަހީމް ވިދާޅުވީ އެޕާޓީއަކީ ރާއްޖޭގެ އެންމެ ބޮޑު ސިޔާސީ ޕާޓީއަށް ވެގެންދާނެކަމަށެވެ.
