މާލޭގެ ރައްޔިތުންނަށް ގޯތި ދިނުމަށް ކުރީގެ ސަރުކާރުން ހިއްކަން ފެށި ކ. ގުޅިފަޅުގެ ބިން ހިއްކުމުގެ މަސައްކަތް ކުރިއަށްދާ ކަމަށާއި މިހާތަނަށް އައިއިރު އެ މަސައްކަތް ހުއްޓިފައި ނުވާ ކަމަށް ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް މިއަދު ވިދާޅުވެއްޖެއެވެ.
މުއްތަލިބް "އެކްސް"ގައި ކުރެއްވި ޕޯސްޓެއްގައި ވިދާޅުވީ ގުޅިފަޅު ހިއްކުމުގެ މަސައްކަތް ހުއްޓުމެއް ނެތި ކުރިއަށްދާ ކަމަށެވެ. އަދި ގުޅިފަޅުން ހިއްކުމަށް ހަމަޖެހިފައިވާ 150 ހެކްޓަރުގެ ތެރެއިން 90 ހެކްޓަރުގެ ބިން ހިއްކައި ނިމިފައިވާ ކަމަށް ވެސް މުއްތަލިބް ވިދާޅުވިއެވެ.
Gulhifalhu Reclamation is ongoing non-stop as per the schedule. 90 hectares out of 150 hectares reclaimed. Government is committed to complete the project as soon as possible and start building basic infrastructures. pic.twitter.com/edTfbIkjdK
— Abdulla Muththalib (@muththo) December 27, 2023
ސަރުކާރުގެ އަމާޒަކީ ބިން ހިއްކުމުގެ މަސައްކަތް އަވަހަށް ނިންމައި، އެތަނުގެ އުމްރާނީ ތަރައްގީގެ މަސައްކަތްތައް ފެށުން ކަމުގައި މުއްތަލިބް ވިދާޅުވިއެވެ.
ގުޅިފަޅުގެ ދެވަނަ ފިޔަވަހި ހިއްކުމުގެ މަސައްކަތް ފަށާފައި ވަނީ މިދިޔަ ޖުލައި މަހުގެ ތެރޭގަ އެވެ. މިއީ ނެދަލެންޑްސްގެ ބޮސްކާލިސް ކުންފުންޏާ ސަރުކާރުން ހަވާލު ކުރި މަޝްރޫއެކެވެ. އެ މަޝްރޫއަށް އިންވެސްޓްކުރުމަށް ހަމަޖެހިފައިވަނީ ޔޫރަޕްގެ ދެ ބޭންކަކުން ލޯން ނަގައިގެންނެވެ. މި މަސައްކަތްކުރުމަށް ގުޅިފަޅު ފަޅުން، 18 މިލިއަން ކިއުބިކް މީޓަރުގެ ސަރަހައްދަކަށް ވެލި އެޅުމަށް ވެސް ހަމަޖެހިފައިވެއެވެ.
ޅިފަޅުން ހިއްކާ ބައެއް ސަރަހައްދުތަކުގެ ފުންމިނުގައި 20 މީޓަރު ހުންނަ އިރު އެއީ މިހާތަނަށް ރާއްޖޭގައި ހިންގި ބިން ހިއްކުމުގެ ޕްރޮޖެކްޓްތަކުގައި ބޭނުންކުރި ވެއްޔާ ނުބައްދަލު މިންވަރެކެވެ. އޭގެ ސަބަބުން ކަނޑުއަޑީގެ ދިރުންތަކަށް ގެއްލުންވެ، މީހުން އާމުދަނީ ހޯދުމުގެ ވަސީލަތްތައް ހަލާކުވެ، މޫސުމީ ބަދަލުތަކުން ކުރާ އަސަރު ބޮޑުވާނެ ކަމަށް ބުނެ، ބައެއް ޖަމިއްޔާތަކުން މީގެކުރިން ކަންބޮޑުވުން ވެސް ފާޅުކުރިއެވެ.
