ކުރިއަށް އޮތް ސްކޫލް ޓާރމް ފެށުމުގެ ކުރިން އަމީނީ މަގުގެ ތާރުއަޅާ މަގު ބޭނުންކުރަން ފެށުމަށް މަސައްކަތްކުރައްވަމުން ގެންދަވާކަމަށް ކޮންސްޓްރަކްޝަން މިނިސްޓަރ ޑރ. ޢަބްދުﷲ މުއްޠަލިބު ވިދާޅުވެއްޖެއެވެ.
ނީ މަގުގެ އިތުރު ދެ ސެގްމެންޓެއްގެ މަސައްކަތް އާރުޑީސީން ފެށީ މިމަހުގެ 9 ވަނަ ދުވަހުއެވެ. އެ މަސައްކަތް ދަނީ ބާރު ދުވެލީގައި ކުރަމުންނެވެ. ވެ. އާރުޑީސީން ބުނެފައިވަނީ މިހާރު ފަށާފައިވަނީ، ނުނިމި ބާކާީހުރި ދެ ސެގްމަންޓް ކަމުގައިވާ ސެގްމެންޓް 12 އަދި 13 ހެދުމުގެ މަސައްކަތް ކަމުގައެވެ.
މި މ ަސައްކަތް ބައްލަވާލެއްވުމަށްފަހު މިނިސްޓަރ ޑރ. މުއްޠަލިބު ވިދާޅުވީ، އަމީނީ މަގުގެ މިހާރު ހެދެމުންދާ ބަޔަކީ ބޮޑެތި ބަސް ދެކޮޅަށް ދުއްވާ ބަޔަކަށްވުމާއެކު މަގު ހެދިގެން ދަނީ އިތުރަށް ފުޅާކުރެވިގެންކަމަށެވެ. އުއްމީދަކީ ކުރިއަށް އޮތް ސްކޫލް ޓާރމް ފެށުމުގެ ކުރިން ތާރުއަޅާ މަގު ބޭނުންކުރަން ފެށުންކަމަށް މިނިސްޓަރ ވިދާޅުވިއެވެ.
އަމީނީމަގު ޒަމާނީ ފެންވަރަށް ހެދުމުގެ މަޝްރޫޢުގައި 1.79 ކިލޯމީޓަރުގެ މަގުގެ ސަރަޙައްދު ތަރައްޤީކުރުން ހިމެނެއެވެ.
މި މަސައްކަތް ކުރީ ސަރުކާރުން، ފާއިތުވި އަހަރުގެ ޖުލައި މަހުގެ ތެރޭގައި ރޯޑް ޑިވެލޮޕްމަންޓް ކުންފުންޏާ ޙަވާލުކުރެއްވީ 84.4 މިލިޔަން ރުފިޔާއަށެވެ. އެހެންނަމަވެސް، އަމަލީ މަސައްކަތް ފެށީ މިދިޔަ އަހަރުގެ ސެޕްޓެމްބަރު މަހުގެ ތެރޭގައެވެ.
ކުރީ ސަރުކާރު ނިމުނުއިރު މިމަގުގެ ތާރުއަޅާ ނިމިފައިވަނީ ދިވެހި ރާއްޖޭގެ އަޑާއި ހަމައަށެވެ. އެއީ ސެގްމެންޓް 11 އެވެ.
މި މަޝްރޫއުގެ ތެރެއިން ކުރެވޭނެ މަސައްކަތް:
– 1.79 ކިލޯމީޓަރު (މުޅި މަގު)ގައި ތާރު އަޅާނެ
– މަގުގެ ދުވާރު ހެދިގެން ދާނެ (ހިތްފަސޭހަ، ހިތްގައިމުވާނެ)
– ލޯފަން ބޭފުޅުންނަށް ހާއްސަ ބްރައިލް ބްލޮކް ބަހައްޓާނެ
– ނުކުޅެދުންތެރިކަން ހުންނަ ފަރާތްތަކަށް (ފުރޮޅުލީގޮނޑި)ބޭނުން ކުރާ ފަރާތްތަކަށް ހާއްސަކޮށް ފަސޭހައިން އުޅެވޭނެ
– މަގުގެ ފެހިކަން ނުގެއްލޭނެ
– ބަސްހުއްޓި، ޕާކިންގ ޒޯން، ބަމްޕަރުތަކާއި މަގުބައްތި އަދި މަގުމަތީގައި ނިޝާންތައް ހުންނާނެ
– ފެންބޮޑުވުމުގެ މައްސަލައަށް ހައްލު ގެނައުމަށް ޕަމްޕް ބަހައްޓާނެ
