ރައްޓެހިންތަކަކާއެކު އިހިނެގުމަށް މޫދަށް އެރި އުޅެނިކޮށް ގެއްލުނު ކުއްޖާ ހޯދުމަށް ހޯދުމުގެ އޮޕަރޭޝަންގައި، އިންޑިއާއި ހަދިޔާ ކޮށްފައިވާ ޑޯނިއަރ ބޯޓުގެ ބޭނުން ނުކޮށް، މޯޑްޑިވިއަންގެ ބޯޓުތަކުގެ ބޭނުން ކުރަން ފަށައިފިއެވެ.

ފާއިތުވެދިޔަ ތަނުގައި ވައިގެމަގުން މީހުން ހޯދުމަށާއި، އަދި ބަލި މީހުން އުފުލުމުގެ އިތުރުން ސާވައިލަންސަށް ސަރުކާރުން ބޭނުން ކުރަމުން އައިސްފައިވަނީ އިންޑިއާއިން ހަދިޔާ ކޮށްފައިވާ ހެލިކޮޕްޓަރާއި އަދި ޑޯނިއަރ މަތިންދާ ބޯޓެވެ.

އެމްއެންޑީއެފްއިން ސަރޗް އޮޕަރޭޝަންގައި ބޭނުން ކުރަމުން ދަނީ، އައްޑޫގައި ހުންނަ އޭވިއޭޝަން އެކަޑަމީގައި ޕައިލެޓްކަން ކިޔަވަމުން އަންނަ ދަރިވަރުންގެ ޓްރެއިނިންތަކުގައި ބޭނުންކުރަމުންދާ ބޯޓުތަކެކެވެ. އޭވިއޭޝަން އެކަޑަމީން ބުނެފައިވަނީ އެމްއެންޑީއެފްގެ އޮޕަރޭޝަންތަކުގައި އެ އޭވިއޭޝަންއިން އެހީތެރިކަން ފޯރުކޮށްދެމުން ދާކަމުގައެވެ.

We are assisting MNDF with the ongoing search and rescue of a missing person. pic.twitter.com/QGp4YhLWDd

— Maldivian Aviation Academy (@mvaviationacad) December 22, 2023

ސަރުކާރުން މި މުހިންމު އޮޕަރޭޝަންގައި އިންޑިއާގެ ވައިގެ އުޅަނދުތައް ބޭނުން ކުރަމުން ނުުދާއިރު، މި ސަރުކާރުން ވަނީ ރާއްޖޭގައި ތިބި އިންޑިއާ ސިފައިން ފޮނުވާލުމަށް ނިންމާފައެވެ. އެހެންނަމަވެސް ސަރުކާރުން ބުނެފައިވަނީ، ޑޯނިއަރ ބޯޓު އިންޑިއާ ސިފައިން ބޭނުންކުރުން ހުއްޓާލުމަށް އަންގާފައި ނުވާނެ ކަމުގައެވެ.