މަސްތުވާތަކެއްޗާ ދެކޮޅަށް މަސައްކަތްކުރަން އުފެއްދި ޓާސްކް ފޯސްގެ އޮޕަރޭޝަންގައި ފަސް މިލިއަނަށް ވުރެ ގިނަ ރުފިޔާގެ މަސްތުވާތަކެއްޗާއި ބަނގުރާ އަތުލައިގަނެ އަދި ގާނޫނާ ހިލާފު 53 ބިދޭސީއަކު ހައްޔަރުކޮށްފައިވާކަމަށް ހޯމްލޭންޑު ސެކިއުރިޓީ މިނިސްޓަރު އަލީ އިހުސާން ވިދާޅުވެއްޖެއެވެ.
ހޯމްލޭންޑު ސެކިއުރިޓީ މިނިސްޓަރު "އެކްސް"ގައި ރޭ ކުރެއްވި ޕޯސްޓެއްގައި ވިދާޅުވީ މި ތަކެތި އަތުލައިގެންފައިވަނީ ހަތަރު އިދާރާއެއް ގުޅިގެން އުފައްދާފައިވާ ޖޮއިންޓް ޓާސްކްފޯސް އިން ކަމަށެވެ.
The Joint Taskforce of @PoliceMv, @CustomsMv, @ImmigrationMV,@CorrectionsMv, established with specific guidance of HEP @MMuizzu have seized MVR 5.5 Million worth of Drugs and Alcohol in the past 2 weeks and Detained 53 expats in violation of law.
— Minister of Homeland Security & Technology (@min_mohst) December 17, 2023
އޭނާ ވިދާޅުވެފައިވަނީ މިދިޔަ ދެ ހަފުތާގެ ތެރޭގައި ހިންގި އޮޕަރޭޝަންތަކުން އަތުލައިގެންފައިވަނީ 5.5 މިލިއަން ރުފިޔާގެ މަސްތުވާތަކެއްޗާއި ބަނގުރާ ކަމުގައެވެ.
މިއީ މިދިޔަ ނޮވެމްބަރު 17 ގައި ވެރިކަމާ ޑރ. މުއިއްޒު ވެރިކަމާ ހަވާލުވެވަޑައިގަތް ފަހުން، މިހާ ގިނަ އަދަދެއްގެ މަސްތުވާތަކެތި އަތުލައިގަނެފައިވާ ކަމަށް ރިޕޯޓްކުރި ފުރަތަމަ ފަހަރެވެ.
އިހުސާންގެ އެކްސް ޕޯސްޓުން، އަތުލައިގަތް މަސްތުވާ ތަކެއްޗާއި ހައްޔަރުކުރި ބިދޭސީންނާއި ގުޅުން އޮތްކަމެއް އެނގޭކަށް ނެތެވެ.
ކޮމެންޓު ފޮނުވާ