ކުރީގެ މަޝްހޫރު ބަތަލާ ރަވިނާ ޓަންޑަންގެ ދަރިފުޅު ރާޝާ ބޮލީވުޑް އަށް ނުކުންނަ ފިލްމް ގެ ޝޫޓިން ފަށައިފިއެވެ.
މި ފިލްމް ގައި ރާޝާ އާއި އެކުގައި ފެނިގެންދާނީ އެކްޓަރު އަޖޭ އަށް ބޮޑޫބޭބެ ކިޔާ އަމަން ގާންދީ ދޭވްގަން އެވެ. މީ މިދެކުދިން ބޮލީވުޑްއަށް ތައާރަފްވާ ފިލްމްއެވެ. މިހާރު ބޮލީވުޑްއަށް ސްޓާ ކީޑުން ތައާރަފްވަމުން އަންނަކަން ފާހަގަކޮށްލެވެއެވެ.
މި ފިލްމް އަކީ އަޖޭވެސް މުހިންމު ރޯލެއް ކުޅެން ހަމަޖެހިފައިވާ ވަރުގަދަ އެކްޝަން-އެޑްވެންޗަ ފިލްމެއް ކަމަށް މީޑިއާއިން ވަނީ ރިޕޯޓްކޮށްފައިއެވެ. މި ފިލްމް އާއި ގުޅޭ މާގިނަ މައުލޫމާތެއް މިހާތަނަށް އަދި ހިއްސާކޮށްފައިއެއް ނުވެއެވެ.
މި ފިލްމްގެ ޝޫޓިން މިހާރު ވަނީ ފަށައިފައިއެވެ. ފިލްމް ގެ ސެޓުގައި ރާޝާ ހުއްޓައި ނަގައިފައިވާ ފޮޓޯ ތަކެއް މިހާރު އަންނަނީ ދައުރު ވަމުންނެވެ. ރާޝާގެ އިތުރުން އަމަންވެސް މި ފޮޓޯތަކުން ކޮންމެސް ވަރަކަށް ފެނިގެންދެއެވެ.
View this post on Instagram
ފިލްމީ ހަބަރުތަށް ގެނެސްދޭ ނޫސްތަކުން ރިޕޯޓް ކޮށްފައިވާ ގޮތުގައި މި ފިލްމް އަކީ މިދިޔަ އަހަރު އަޔޫޝްމަން ކްރާނާ އާއި ވާނީ ކަޕޫރްގެ "ޗަންދީގަޅް ކަރޭ އާޝިގީ" ގެނެސްދިން ޑައިރެކްޓަރު އަބީޝެކްގެ ކަޕޫރްގެ ފިލްމެކެވެ. މި ފިލްްމް އަކީ ވަރަށް ބޮޑު ބަޖެޓަކުން އަދި އެހާމެ ގްރޭންޑް ކޮށް ހަދަން ނިންމައިފައިވާ ފިލްމްއެކެވެ. މި ފިލްމު ޕްރޮޑިއުސްކުރަނީ އަބީޝެކާއި ރޯނީ ސްކްރޫވާލާ ގުޅިގެންނެވެ.
