މަކަރާއި ހީލަތުގެ މައްސަލައެއްގައި ބޮލީވުޑްގެ ކުރީގެ އެކްޓްރެސް ޒަރީން ޚާން ހައްޔަރު ކޮށްފިއެވެ. އޭނާ ހައްޔަރު ކޮށްފައިވަނީ އިއްޔެގެ ވަގުތެއްގައި ކަމަށް މީޑިއާއިން ވަނީ ރިޕޯޓް ކޮށްފައިއެވެ.
ޒަރީން ހައްޔަރު ކުރި ނަމަވެސް މިހާރު ވަނީ ކަފާލާތުގެ ދަށުން އޭނާ ދޫކޮށްލައިފައިއެވެ. ދިއްލީގެ ސިޓީ ކޯޓަކުން ޒަރީންއަށް ކަފާލާތުގެ މިނިވަންކަން ދިން ނަމަވެސް ކޯޓުގެ ހުއްދައަކާ ނުލައި ގައުމުން ބޭރަށް ފުރުން ވަނީ މަނާކޮށްފަ އެވެ.
މި މައްސަލައަކީ 2018 ވަނަ އަހަރު ބޭއްވި އިވެންޓެއްގައި ހުށައެޅުމެއް އަލައިދިނުމަށް އެދި ދީފައިވާ ފައިސާ އަށް ހިޔާނަތްތެރިވި ކަމުގައި މައްސަލައެކެވެ. އެ އިވެންޓްގައި ޕާފޯމް ކުރުމަށް ޒަރީން ވަނީ 12 ލައްކަ ރުޕީސް އޮގަނައިޒަރުން އަތުން ނަގައިފައިއެވެ. ނަމަވެސް އޭނާ އިވެންޓް އަށް ހާޒިރު ވެފައިއެއް ނުވެއެވެ.
View this post on Instagram
ޒަރީންއަށް ކަފާލާތުގެ ދަށުން މިނިވަންކަން ދޭން ކޯޓުން ނިންމީ މި މައްސަލައިގެ ތަހުގީގުގެ މުއްދަތުގައި މީގެ ކުރިން ޒަރީން އެއްވެސް ވަަރަކަށް ކަފާލާތަށް އެދިފައި ނުވާތީއާއި ތަހުގީގަށް ފުރިހަމަ އެއްބާރުލުން ދިނުމުންނެވެ.
