ސިޔާސީ ދާއިރާއަށް ނުވަންނާނެ ކަމަށް ބޮލީވުޑްގެ ބަތަލާ ޕަރިނީތީ ޗޯޕްޅާ ބުނެފި އެވެ.
މިދިޔަ ސެޕްޓެމްބަރު މަހު އިންޑިއާގެ މަޝްހޫރު ސިޔާސީ ޕާޓީއެއް ކަމަށްވާ އާމް އާދުމީ ޕާޓީ (އާޕް) ގެ ލީޑަރެ ކަމަށްވާ ރާގަވް ޗައްޑާ އާއި ކައިވެނި ކުރި ބޮލީވުޑްގެ ބަތަލާ ޕަރިނީތީ ބުނީ އޭނާ ސިޔާސީ ދާއިރާއިން ފެނިގެން ނުދާނެ ކަމަށެވެ.
ކައިވެންޏަށްފަހު އެދެމީހުން ވެސް ކައިވެނީގެ ތަޖުރިބާތައް ސޯޝަލް މީޑިއާ މެދުވެރިކޮށް ހިއްސާކުރަމުން އަންނައިރު ދާދި ފަހުން ދިން އިންޓަވިއުއެއްގައި ޕަރިނީތީ ބުނީ އޭނާ އަށް ސިޔާސީ ދާއިރާ އާއި ގުޅޭ ގޮތުން އެއްވެސް އެއްޗެއް ނޭނގޭ ކަމަށެވެ. ހަމަ އެފަދައިން ރާގަވް އަށް ބޮލީވުޑް އާއި ގުޅޭ ގޮތުން އެއްވެސް އެއްޗެއް ނޭނގޭ ކަމަށް އޭނާ ވަނީ ބުނެފައިއެވެ.
View this post on Instagram
އަދި އެއީ އެމީހުންގެ ކައިވެނި ކާމިޔާބު ކަމުގެ އެއް ސަބަބު ކަމަށް ވެސް އޭނާ ވަނީ ބުނެފައިއެވެ. އިތުރަށް ޕަރިނީތީ ބުނީ ސިޔާސީ ދާއިރާ އިން ދުވަހަކު ވެސް ނުފެންނާނެ ކަމަށެވެ.
35 އަހަރުގެ ބަތަލާ ބުނީ އޭނަ އާއި ރާގަވް ކައިވެނީގެ ގުޅުމުގެ ބަދަހިކަމުގެ ސިއްރަކީ އެކަކު އަނެކަކު މަސައްކަތް ކުރާ ދާއިރާއާ ބެހޭ ގޮތުން އެއްވެސް އެއްޗެއް ނޭނގުން ކަމަށެވެ.
މަޝްހޫރު ސިޔާސީ ޕާޓީއެއް ކަމަށްވާ އާމް އާދުމީ ޕާޓީ ލީޑަރެއެއްގެ އިތުރުން އަދި ރާގަވް އަކީ އިންޑިއާގެ ގާނޫނު ހަދާ މަޖިލީހުގެ މަތިގެ، ރާޖިއާ ސަބާގެ މެންބަރެކެވެ.
View this post on Instagram
ދެހާސް އެގާރައިގައި ބޮލީވުޑަށް ނުކުތް ޕަރިނީތީގެ އެންމެ ފަހުގެ ފިލްމަކީ އޮކްޓޯބަރުގައި ރިލީޒްކުރި އަކްޝޭ ކުމާރުގެ "މިޝަން ރަޖްނީގަންޖު" އެވެ.
