ޑާކް ރެއިން އެންޓަޓެއިންމެންޓްގެ ލޯބީގެ ފިލްމު "ނޮވެމްބަރ" މީގެ ކުރިން ދިވެހި ފިލްމަކަށް ނުލިބޭ ހާއްސަ ޝަރަފެއް ލިބިއްޖެ އެވެ.
އެ ސްޓޫޑިއޯ އިން ބުނީ މި ފިލްމުވެފައި ވަނީ ފުރަތަމަ ފަހަރަށް ބައިނަލްއަގުވާމީ އެއާލައިނެއްގެ އިން-ފްލައިޓް އެންޓަޓެއިންމަންޓް ލިސްޓެއްގައި ހިމެނޭ ފުރަތަމަ ދިވެހި ފިލްމަށް ކަމަށެވެ.
އެގޮތުން ރަޝިޔާ ބަހުން ޑަބްކޮށް، އެ ގައުމުގެ އެއާ އަސްޓާނާގައި އަންނަ މަހުން ފެށިގެން މި އަހަރުގެ ފެބްރުއަރީ މަހުގެ ނިޔަލަށް "ނޮވެމްބާ" ދަތުރުމަތީގައި ބަލާލެވޭނެ އެވެ. އާނއެކެވެ. ފިލްމު "ނޮވެމްބަރ" އުދުހެން ފަށަނީ އެވެ.
ޑާކް ރެއިނުން ބުނި އެފަދަ ފުރުސަތެއް ފަހިކޮށް ދިނީތީ އަޔަލޭންޑްގެ ޑިޖިޓަލް އައިއެފްއީ ސާވިސެސް ލިމިޓެޑް (ޑީއައިއެފްއީއެސް) ގެ ޓީމަށް ވަރަށް ބޮޑަށް ޝުކުރު އަދާކުރާ ކަމަށެވެ.
View this post on Instagram
މި ފިލްމް ގެ ސްކްރީންޕްލޭ ލިޔުނީ ޢާއިޝަތު ފުއާދު އާއި ޢަހްމަދު ޠަލާލް އެވެ. ޑައިރެކްޓްކޮށް ކެމެރާކުރީ ޝިފާއު (ޗިއްޕެ) އެވެ. ކޯ-ޑައިރެކްޓަރެއްގެ ގޮތުގައި ހަރަކާތެރިވެފައިވަނީ އާއިޝަތު ފުއާދެވެ. ޗިއްޕެއާއެކު ކެމެރާކުރުމުގައި އަޙްމަދު ޝިނާން ވެސް ހަރަކާތެރިވިއެވެ.
މީގެ މަންޒަރުތައް ސިންގަޕޫރުގެ އިތުރުން އައްޑު އާއި ލ. އަތޮޅާއި މާލޭގެ އިތުރުން ކ. އަތޮޅުގެ ބައެއް ރަށްރަށުގައި ވެސް ނަގާފައިވެ އެވެ. މަޖުދާ (މަޖޫ) އާއި ޖުމައްޔިލް ނިމާލު (ޖުމަލް) ލީޑް ރޯލު ކުޅެފައިވާ ފިލްމްގެ ރޯލަކުން ކުރީގެ އެކްޓަރު އިސްމާއީލް ވަޖީހު ވެސް ފެންނާނެ އެވެ.
