ރައްޔިތުންގެ މަޖިލިހުގެ ކުރީގެ ނައިބު ރައީސް އަދި ދިއްގަރު ދާއިރާ ކުރީގެ މެމްބަރު އަހުމަދު ނާޒިމް ޕީއެންސީގެ ދިއްގަރު ދާއިރާގެ ރައްޔިތުންގެ މަޖިލިހުގެ ޕްރައިމަރީގައި ވާދަކުރައްވަން ފޯމު ހުށަހަޅުއްވައިފިއެވެ.
ފާއިތުވި ރިޔާސީ އިންތިޚާބަށް ނާޒިމް ޖުމުހޫރީ ޕާޓީއާއި ގުޅިވަޑައިގެންނެވިއެވެ. އަދި އޭނާވަނީ ގާސިމް ރިޔާސީ ކެމްޕޭނުގަ މަސައްކަތް ކުރައްވާފައެވެ. އެއަށްފަހު ނާޒިމް ޕީއެންސީއަށް ސޮއި ކުރެއްވީ ކޮންއިރަކު ކަމެއް ސާފު ވެފައެއް ނުވެއެވެ.
ފޭސްބުކުގައި ނާޒިމް ލިޔުއްވާފައިވާ ގޮތުގައި މިއަދު އޭނާ ސިޔާސީ ހަޔާތުގައި މުހިންމު ނިންމުމެއް ނިންމާފައިވާ ކަމުގައެވެ.
އަޅުގަނޑާ އެންމެ ގާތުގައި، ދެގޮތެއް ނުވެ އަބަދުވެސް ތިއްބެވި ދިއްގަރު ދާއިރާގެ ލޮބުވެތި ރައްޔިތުންނަށް ހިދުމަތް ކޮށްދިނުމުގެ މަތިވެރި މަގުސަދުގައި، ދިވެހިރާއްޖޭގެ ބަރުލަމާނީ ހަޔާތުގެ 20 ވަނަ ރައްޔިތުންގެ މަޖިލީހުގެ އިންތިހާބުގައި، ޕީއެންސީގެ ޓިކެޓްގައި ދިއްގަރު ދާއިރާ އަށް ވާދަކުރުމަށް އަޅުގަނޑު ފޯމު ހުށަހަޅައިފީމެވެ.
ފޭސްބުކް ޕޯސްޓުގައި ނާޒުމް ލިޔުއްވާފައި ވެއެވެ.
ނާޒިމް ވަނީ 2009 އިން 2014އަށް އަދި 2014 އިން 2015 އަށް ރައްޔިތުންގެ މަޖިލިހުގެ މެމްބަރުކަން ކުރައްވާފައެވެ.
ނާޒިމްއަކީ ކުރީގެ ރައީސް ޔާމިންއާއި ގާތް ބޭފުޅެއްނަމަވެސް ޔާމިންގެ ވެރިކަމުގައި ދެބޭފުޅުންގެ ގުޅުން ގޯސްވެސް، ދެބޭފުޅުން ކުރީގެ ގުޅުންތައްވަނީ ކެނޑިގެން ގޮސްފައެވެ.
