ރައްޔިތުންގެ މަޖިލީހުގެ ނައިބު ރައީސްގެ މަގާމަށް ހޯރަފުށީ ދާއިރާގެ މެމްބަރު އަހްމަދު ސަލީމް (ސައްލެ) އިންތިހާބުކޮށްފި އެވެ.

މަޖިލިހުގެ މައިބު ރައީސްގެ މަގާމަށް ސަލީމް އިންތިހާބުވީ 51 މެމްބަރުންގެ ވޯޓުންނެވެ. އޭނާއާ ވާދަކުރެއްވި ކާށިދޫ ދާއިރާގެ މެމްބަރު އަބްދުالله ޖާބިރަށް ލިބިވަޑައިގެންނެވީ 23 ވޯޓެވެ.

މިރޭ ބޭއްވި މަޖިލިސް ޖަލްސާގައި މަޖިލިހުގެ ނައިބު ރައީސްގެ މަގާމަށް ސަލީމް އިންތިޚާބު ވުމާއި ގުޅިގެން އޭމާ ވަނީ އެމްޑީޕީގެ ޕާލިމެންޓަރީ ގްރޫޕްގެ ހުރިހާ މެމްބަރުންނަށް ޝުކުރު އަދާކުރައްވާފަ އެވެ.

އޭނާ ވިދާޅުވީ ނެގިގެންދިޔަ މި ވޯޓުން ވެސް އެމްޑީޕީއަކީ ޑިމޮކްރަޓިކް ޕާޓީއެއް ކަން ހާމަވެގެންދިޔަ ކަމަށާއި ކޮންމެ މީހަކަށް ވެސް އެ ޕާޓީގެ ތެރެއިން ކުރިއެރުން ހޯދޭނެކަން ހާމަވެއްޖެ ކަމުގައެބެ.

ރައްޔިތުންގެ މަޖިލީހުގެ ނައިބު ރައީސްގެ މަގާމު ހުސްވީ ގަލޮޅު އުތުރު ދާއިރާގެ މެމްބަރު އީވާ އެ މަގާމުން މިއަދު އިސްތިއުފާ ދެއްވުމާ ގުޅިގެންނެވެ.