ސްޕަސްޓާރު ސަލްމާން ހާން ގެ ކޮއްކޮ އަދި ބަތަލާ މަލައިކާ އަރޯރާ ގެ ކުރީގެ ފިރިމީހާ އެކްޓަރު އަރްބާޒް ޚާނާއި ބިދޭސީ ލޯބިވެރިޔާ ޖިއޯޖިއާ އެންޑްރިއާނީ އާއި ދެމެދުގައި އޮތް ލޯބީގެ ގުޅުމުގައި ފުލުސްޓޮޕްޖެހިއްޖެއެވެ.
އިޓަލީ އަށް އުފަން މޮޑެލް/ބަތަލާ ބުނީ އެ މީހުން ވަކިވީ ދެ މީހުންގެ މެދުގައި ހުރި ތަފާތުތަކާ ހެދި ކަމަށެވެ. ޖިއޯޖިއާ މި ގުޅުމާއި ބެހޭ ގޮތުން އިތުރަށް ވާހަކަ ދައްކަމުން ބުނީ އެދެމެދުގައި ހުރި އެންމެ ބޮޑު ފަރަކީ އުމުރުގެ ތަފާތު ކަން ކަމަށެވެ.
އަރްބާޒަށް މިހާރު 56 އަހަރެވެ. ޖިއޯޖިއާ އަށް 33 އަހަރެވެ. އުމުރުން 23 އަހަރު ހަގު ލޯބި ވެރިއަކާއި އެކުގައި އަރުބާޒު އުޅެމުން އައި އިރުގައި އެމީހުން އެކުގައި ވަނީ ގިނަ ވަގުތު ތަކެއް ހޭދަކޮށްފައިއެވެ.
އެމީހުން ގެ ލޯބީގެ ގުޅުން ނިމުކަަކަށް އައިސްފައިވާ އިރުގައި އެދެމީހުން ރައްޓެހިވެގެން އުޅޭތާ އަހަރު ތަކެއް ވެއްޖެއެވެ. އަދި ދެމީހުން ރައްޓެހިވި ފަހުން ޖިއޯޖިއާ ދިރިއުޅެމުން އަންނަނީ ވެސް އިންޑިއާގައިއެވެ.
އަރްބާޒް އާއި ޖިއޯޖިއާ ލޯބީގެ ގޮތުން ގުޅުނީ 2018 ވަނަ އަހަރުގެ ތެރޭގައިއެވެ. އަދި އެމީހުން ގެ ގުޅުން ކައިވެންޏަކާއި ހަމައަށް ގޮސްފައި ވާކަމަށް ވެސް މިދޭތެރއިން ހަބަރު ފެތުރުނެވެ.
View this post on Instagram
އަރްބާޒަކީ މިހާރު އެކްޓަރު އަރުޖުން ކަޕޫރް، 38، އާ ރައްޓެހިވެގެން އުޅޭ މަލައިކާ އަރޯރާ، 50، ގެ ކުރީގެ ފިރިމީހާ އެވެ. އެ ދެ މީހުން ކައިވެނި 2017 ގައި ރޫޅައިލި އިރު، ލިބިފައިވާ ދަރިފުޅު އަރުހާން ޚާނަށް މިހާރު 21 އަހަރެވެ.
