ދެކުދިން ހޯދުމަކީ އާލިއާ އަށް މިހާރު އޮތް ހަމަ އެކަނި ހައްލު ކަމަށް ބަތަލާ ކަރީނާ ކަޕޫރު ބުނެފިއެވެ.
މި ފަހުން އެދެމީހުން އެކުގައި ފެނިގެންދިއަ "ކޮފީ ވިތް ކަރަން" ގައި ދެތަރިން ބައިވެރިވެ ވަނީ ޒާތީ ދިރިއުޅުމުގެ ވަރަށް ގިނަ ވާހަކަތަކެއް ދައްކައިފައިއެވެ.މިހާކައިގެ ތެރެއިން އާލިއާ ވަނީ އޭނާ އާއި ފިރިމީހާ ރަންބީރު ދެމީހުން އެމީހުންގެ ދަރިފުޅުދެކެ ވަރަށް ލޯބިވާ ކަމަށެވެ. ތުއްތު ދަރިފުޅު ރަހާ އުރަން ބޭނުންވެގެން ދެމީހުން ޒުވާބް ކުރާ ކަމަށް އޭނާ ވަނީ ބުނެފައިއެވެ.
"އަހަރެން ނަށް ގެއަށް ދެވޭ އިރު ރަންބީރު ރަހާ އުރައިގެން އިނިއްޔާ އަހަރެން ބުނާނެ ދެން އަހަރެން ނަށް ދޭށޭ. ރަންބީރު އަންނަ އިރުގައި އަހަރެން ރަހާ ގޮވައިގެން އިނިއްޔާ އޭނާ ބުނާނެ އޭނާ އަށް ދޭށޭ.މީ މިހާރު އެންމެ ގިނަ އިން ދެމީހުން އަރާރުންވާ ކަމަކީ. ކޮންމެ މީހަކުވެސް ބޭނުން ވަނީ ގޭގައި އެމީހަކު އުޅޭ ގަޑީގައި އަބަދުވެސް ރަހާ އުރައިގެން އުޅެން."
އެދެމީހުންގެ ދިރިއުޅުމަށް ރަހާ އައުމަކީ އެމީހުންގެ ދިރިއުޅުން ފުރިހަމަ ވި ކަމެއްގެ ގޮތުގައި ވާހަކަ ދައްކަމުން އާލިއާ ބުނީ ރަހާ އަކީ ވަރަށް ލޯބި ކުއްޖެއްް ކަމަށެވެ. އެހެންވެ އޭނާ އެންމެ ބޭނުން ވަނީ ރަންބީރު އާއި އޭނާ ރަހާ އާއި ހެދި ކޯޅޭ ކޯޅުން ނިމޭނެ ގޮތެއް ހެދުމަށެވެ.
View this post on Instagram
އެއާއި އެކުގައި ކަރީނާ ވަނީ އެހެން ކުއްޖެއް ހޯދުމަށް ލަފާދީފައިއެވެ. ދެ ފިރިހެން ދަރިންގެ މަންމަ ބުނީ ދެކުދިން ހޯދުމުން އާލީއާގެ މައްސަލަ ހައްލުވީ ކަމަށެވެ. އަދި އޭރަށް ދެމީހުންނަށް އުރަން ކުދިން ލިބޭނެ ކަމަށް އޭނާ ވަނީ ބުނެފައިއެވެ.
"ކޮފީ ވިތު ކަރަން" ގައި ދެތަރިން ވަނީ އެމީހުންގެ ދިރިއުޅުމުގެ ގިނަ ވާހަކަ ތަކެއް ހިއްސާ ކޮށްފައިއެވެ. އެގޮތުން އެމީހުންގެ ދަރިންގެ ވާހަކަ ތަށް ވެސް ވަނީ ހިއްސާ ކޮށްފައިއެވެ.
