ފުލުހުންގެ މުވައްސަސާ ހިންގުން ހަވާލުކޮށްފަހުރި އަބްދުލްމަންނާން ޔޫސުފް އާއި ޑެޕިއުޓީ ކޮމިޝަނަރު އަލީ ރަޝީދު ރޭ ރިޓަޔާކުރެއްވުމުން، އެ މުވައްސަސާ ހިންގުން އަނެއްކާވެސް ފަރުހާދު ފިކުރީ ހަމަޖައްސައިފިއެވެ.
ޑެޕިއުޓީ ކޮމިޝަނަރުގެ މަގާމުގައި ހުންނެވި މަންނާނުއާއި ފުލުހުންގެ މުވައްސަސާ ހިންގެވުން އެންމެ ފުރަތަމަ ހަވާލު ކުރެވުނީ ރައީސް ސާލިހުގެ ސަރުކާރު ނިމުމުގެ 1 ދުވަސް ކުރިންނެވެ. އެއީ އޭރުގެ ކޮމިޝަނަ މުހައްމަދު ހަމީދު ރިޓަޔަރ ކުރެއްވުމާއި ގުޅިގެންނެވެ.
އެހެންނަމަވެސް ރައީސް މުއިއްޒު ވެރިކަމާ ހަވާލުވެވަޑައިގަތުމަށްފަހު، މަންނާނު ރިޓަޔަރ ކުރެއްވުމަށް ނިންމެވުމާއި ގުޅިގެން ފުލުހުންގެ މުވައްސަސާ ހިންގުން ހަވާލު ކުރެވުނީ ފަރުހާދުއާއެވެ. އެހެންނަމަވެސް އޭގެ ދެެދުވަސް އަނެއްކާވެސް މަންނާނުއަށް އެކްޓިން ކޮމިޝަނަރުކަން ހަވާލު ކުރެވުނެވެ.
މައުލޫމާތު ލިބިފައިވާ ގޮތުގައި މަންނާނު ރިޓަރަޔަރ ކުރައްވަން ނިންމެވުމަށްފަހު ވަނީ ރައީސް މުއިއްޒުއާއި ބައްދަލު ކުރައްވާފައެވެ. އެ ބައްދަލުވުމަށްފަހު އަނެއްކަވެސް މަންނާނުއާއި ފުލުހުންގެ މުއައްސަސާ ހިންގުން މަންނާނުއާއި ހަވާލު ކޮށްފައިވަނިކޮށް، އޭގެ އެއް ދުވަސް ފަހުން އަނެއްކާވެސް މަންނާނުވަނީ ރިޓަޔަރ ކުރައްވަން ނިންމަވާފައެވެ.
ކޮމެންޓު ފޮނުވާ