ބޮލީވުޑްގެ ރީތި ބަތަލާ ކެޓްރީނާ ކައިފް އާއި ސައުތުގެ އެފަދަ ދެވަނެއް ނުވާ ކާމިޔާބު އެކްޓަރ ވިޖޭ ސެތުޕަތީ އެކުގައި ފެނިގެންދާ ފިލްމް "މޭރީ ކްރިސްމަސް" އަވަސް ކުރުމަށް ފަހު އަންނަ އަހަރަށް ފަސްކޮށްފިއެވެ.
ޑިސެމްބަރު މަހުގެ 15 އަށް ތާވަލުކުރި ފިލްމުގެ ތާރީހަށް މިހާރު ގެނައި ބަދަލާ އެކީ ހަފުތާއެއް ކުރިއަށް ޖައްސައި މިހާރު ބެލުންތެރިންނަށް ފިލްމު ދޫކޮށްލާނީ އެ މަހުގެ 8 ގައި ކަމަށް ބުނެ އެކަން އިއުލާން ކުރި ފަހުން މިހާރު އަނެއް ކައިވެސް ފިލްމް މިވަނީ ވަރަށް ބޮޑަށް ފަސްކޮށްލައިފައިއެވެ.
އެގޮތުން މި ފިލްމް ދެން އަޅުވާނީ އަންނަ އަހަރުގައި ކަމަށް މިހާރު ވަނީ އިއުލާން ކޮށްފައިއެވެ. ނަމަވެސް އަދި ތާރީހެއް އިއުލާން އެއް ނުކުރެއެވެ. އަދި ފިލްމް މިހާބޮޑަށް ފަސްކުރި ސަބަބެއް ވެސް ހާމައެއް ނުކުރެއެވެ.
View this post on Instagram
"ރޭސް" ފަދަ ކާމިޔާބު ފިލްމުތަކެއް ގެނެސްދިން ރަމޭޝް ތައުރާނީ ޕްރޮޑިއުސްކޮށް، ސްރީރާމް ރަގްވަން ޑައިރެކްޓްކުރާ "މޭރީ ކްރިސްމަސް" އަކީ ތުރިލާއެކެވެ. ސްރީރާމް އެންމެ ފަހުން ގެނެސްދިން ފިލްމަކީ ތިން ނެޝަނަލް އެވޯޑް ހޯދި 2018 ގެ ބްލެކް ކޮމެޑީ ކްރައިމް ތުރިލާ "އަންދާދުން" އެވެ.
"މޭރީ ކްރިސްމަސް" އަކީ އިންޓަވަލެއް ނުހިމެނޭ ގޮތަށް ހަދާ 90 މިނިޓްގެ ފިލްމެކެވެ. ބޮލީވުޑް ހަންގާމާއިން ބުނިގޮތުގައި މި ފިލްމު ސްރީރާމް ހަދަނީ ކުރު ވާހަކައެއްގެ މައްޗަށް ބިނާކޮށެވެ.
