އިންތިގާލީ މި މަރުހަލާގައި ޕްރޮމޯޝަންތައް މަޑުޖައްސާލަން އަންގާފައިވަނިކޮށް، ގިނަ ޢަދަދެއްގެ ފުލުހުންނަށް ޕްރޮމޯޝަން ދީފިއެވެ.
ފުލުހުންގެ އެގްޒެކެޓިވް ލެވެލްގައި ތިއްބެވި ބައެއް ބޭފުޅުންނަށް ޕްރޮމޯޝަން ދީފައިވާކަން، މއަދު މަޤަމުންރިޓަރޔަރަކުރައްވާ ކޮމިޝަނަރ އޮފް ޕޮލިސް މުޙައްމަދު ޙަމީދު ވަނީ އަންގަވާފައެވެ. މީގެ އިތުރުން އެހެން ބައެއް ފުލުހުންނަށްވެސް ޕްރޮމޯޝަން ދީފައިވެއެވެ. ނަމަވެސް ޕްރޮމޯޝަން ދީފައިވާ މީހުންގެ ތަފްސީލެއް ނޭނގެއެވެ.
ފުލުހުންގެ ތެރެއިން ގިނަ ޢަދަދެއްގެ ބަޔަކަށް ޕްރޮމޯޗަން ދީފައިމިވަނީ އިންތިގާލީ އޮފީހުން އެކަން މަޑުޖައްސާލަން އަންގާފައިވެސްވަނިކޮށެވެ. ރައީސް އިބްރާހީމް މުޙައްމަދު ޞާލިޙްގެ ވެރިކަން ނިންމެން 48 ގަޑިއިރަށްވެފައިވަނިކޮށް ޕްރޮމޯޝަންތަކެއް ދީފައިވާއިރު، މިއީ މިދިޔަ އޯގަސްޓްމަހު ދޭން ނިންމާ ނުދީ މަޑުޖައްސާލަފައިވާ ޕްރޮމީޝަންތަކެއްކަމަށް ހަމީދު ވަނީ ވިދާޅުވެފައެވެ.
ހަމީދު އިންތިޚަބީ ރައީސަށް ފޮނުވި މެސެޖުގައި ވަނީ އޭރު ޕްރޮމީޝަން ނުދިނީ އިންތިޚާބު ކައިރިވެފައިވަނިކޮށް ޕްރޮމީޝަންތައް ދީފިނަމަ އެއީ އިންތިޚަބަށް ނުފުޒް ފޯރުވުންކަމަށް ވެދާނެތީކަމަށާއި، މިފަހަރު މިދިނީ އެބުރުގައި ދިނުމަށް ނިންމި ޕްރޮމޯޝަންތަނެއްކަމަށެވެ.
ހަމީދު ވަނީ މިފަދަ މުހިންމު ކަމެއް ނުނިމި އޮވެ ރިޓަޔާ ކުރާކަށް ބޭނުން ނުވާކަމަށްވެސް ވިދާޅުވެފައެވެ. އަދ ިމިއީ ބުރަކޮށް މަސައްކަތްކޮށް، ޕްރޮމޯޝަން ހައްގު މީހުންނަށް ބޭއިންސާފަކަށް ވާނެކަމަށްވެސް ހަމީދު ވިދާޅުވެފައިވެއެވެ.
ޕްރޮމޯޝަން ދީފައިވަނީ ކަނޑައެޅިފައިވާ އުސޫލުތަކާ އެއްގޮތަށް ކަމަށްވެސް ކޮމިޝަނަރ ހަމީދު ވިދާޅުވެފައިވެއެވެ.
ހަމީދު ވަނީ އެއްވެސް ސަބަބަކާހުރެ، އެފަދަ ޕްރޮމޯޝަންތައް ދިނުން މުރާޖައާކުރަން ޖެހޭ ނަމަ ނުވަތަ އެއްވެސް ކަހަލަ ފުށުއެރުންތަކެއް ހުރިކަމަށް ފެނިއްޖެ ނަމަ، އެކަންކަން ހައްލުކުރެވޭނީ، އެކަށީގެންވާ މަރުހަލާއަކުން ކަމަށް ވިދާޅުވެފައެވެ.
މި ޕްރޮމީޗަންތައް މަޑުޖައްސާލަން އޭސީސީންވެސް ފުލުހުންނަށް އަންގާފައިވެއެވެ.
