މާލޭ މަގުމަތިން ބުޅަލެއްގެ ބަނޑަށް ވަޅި ހެރި މީހަކު މިއަދު ހައްޔަރުކޮށްފިއެވެ.
މާލޭގެ މަގެއްގެ ދުވާރުމަތީގައި އޮތް ބުޅަލެއްގެ ބަނޑަށް ވަޅި ހެރި މީހާގެ ވީޑިއޯއެއް ސޯޝަލް މީޑިއާގައި ވަނީ އާންމުވެފައެވެ. އެ ފިރިހެން މީހާ މަގުމަތިން ދަމުން އެ ބުޅާ ފެނިގެން އެސޮރުގެ ކައިރިއަށް ގޮސް ހުއްޓި އޭގެ ކައިރި އަށް ތިރިވެ، ޖީބުން ކުޑަ ވަޅިއެއް ނަގައި އޭގެ ބަނޑަށް ހަރާ ތަން ފެނެއެވެ.
އެއާއެކު، ބުޅާ ދުއްވައިގަންނަ ތަން ވީޑިއޯ އިން ފެނެއެވެ.
އޭގެ އިރުކޮޅެއް ފަހުން ފުލުހުން ވަނީ އެ މީހާ ހައްޔަރުކޮށްގެން ގެންގޮސްފައެވެ.
ނަމަވެސް މި މައްސަލާގައި ފުލުހުންގެ ބަހެއް އަދި ނުލިބެއެވެ.
