ބޮލީވުޑްގެ ސްޕަސްޓާރު ޝާހުރުކް ހާން ގެ ކުރިއަށް އޮތް ފިލްމް ޑަންކީ ގެ އައު ޕޯސްޓަރެއް ދައްކައިލައިފިއެވެ. މި ޕޯސްޓަރަކީ ކުލަގަދަކޮން އިންޑިއާގައި ފާހަގަ ކުރާ ދިވާލީ އާއި ދިމާކޮށް ނެރުނު ޕޯސްޓަރެކެވެ.
މި ފިލްމް އަކީ ހިޖުރަ ކުރުމާއި ގުޅޭ ގޮތުން ހަދައިފައިވާ ފިލްމްއެކެވެ. މި ފިލްމް އަކީ މިއަހަރު ރިލީޒް ކުރާ ޝާހު ގެ ތިންވަނަ ފިލްމްއެވެ. އަހަރު ފެށީ ޝާހުގެ "ޕަޓާން" ގެ ކާމިޔާބީ އާއި އެކުގައިއެވެ. ދެން ފެނިގެން ދިއައީ "ޖަވާން" އެވެ. މި ފިލްމް ވަނީ "ޕަޓާން" ހޯދި ރެކޯޑް ތަށް މުގުރައިލައިފައިއެވެ.
އެއާއި އެކުގައި ކުރިއަށް އޮތް ޝާހުގެ ފިލްމް "ޑަންކީ" އަށް މިހާރު ބެލުންތެރިން ކުރާ އުންމީދު ބޮޑެވެ. މި ފިލްމް އަކީ ވެސް ކާމިޔާބު ފިލްމް އަކަށް ވުމަކީ ޝާހްގެ ކެރިއަރުގައި ވަރަށް މުހިންމު ކަމެކެވެ.
View this post on Instagram
"ޑަންކީ" އަކީ މިއަހަރުގެ ޑިސެމްބަރު މަހުގެ 22 ވަނަ ދުވަހުގައި ރިލީޒް ކުރުމަށް ތާވަލު ކޮށްފައިވާ ފިލްމްއެކެވެ. މި ފިލްމް އަކީ ސްޕަސްޓާރު ޝާހުރުކް ހާން ލީޑުން ފެނިގެންދާނެ ފިލްމްއެކެވެ. ޝާހު އާއި އެކުގައި ދެން ފެނިގެން ދާނީ ތާޕްސީ ޕަންނޫއެވެ.
"ޑަންކީ" އަކީ ހިޖުރަކުރުމާ ގުޅޭ ގޮތުން ހަދާފައިވާ ސޯޝަލް ކޮމެޑީއެކެވެ. "ޑަންކީ" ގެ ކާސްޓްގައި ތާޕްސީ ޕައްނޫ، ބޮމަން އިރާނީ، ސަތިޝް ޝާހްގެ އިތުރުން ހާއްސަ ފެނިލުންތަކުގައި ވިކީ ކޯޝަލް އާއި ދަރުމެންދުރާ ވެސް ހިމެނެ އެވެ.
