ބޮލީވުޑްގެ ޒުވާން ދެ ތަރިން ކަމުގައިވާ އިޝާން ކައްޓަރު އާއި މުރުނާލް ޓާކުރު އެކުގައި ފެނިގެންދާ ފުރަތަމަ ފިލްމް "ޕިއްޕާ" މި މަހުގެ 10 ވަނަ ދުވަހުގައި ޕްރިމިއާ ކުރުމަށް ހަމަޖެހިއްޖެއެވެ.
"ޕިއްޕާ" އަކީ އިންޑިއާ އާއި ޕާކިސްތާނާ ދެމެދު 1971 ގައި ކުރި ހަނގުރާމައިގެ ބަތަލެއް ކަމަށްވާ ބްރިގޭޑިއާ ބަލްރާމް ސިންގްގެ ރޯލު އިޝާން ކުޅެފައިވާ އެއްޗެކެވެ. މި ފިލްމް އަކި ޒުވާން އެކްތަރުގެ ވަރަށް އުންމީދީ ފިލްމްއެކެވެ. ދެފަހަރެއްގެ މަތިން އެޅުވުން ލަސްވެފައިވާ ފިލްމް ގައި ދައްކުވައިދޭނީ އިޝާން މީގެ ކުރިން ފެނިފައި ނުދާފަދަ ކެރެކްޓާއަކުންނެވެ.
View this post on Instagram
މި ފިލްމު ކުރިން ބެލުންތެރިންނަށް ދޫކޮށްލާ ގޮތަށް އޮތީ އަންނަ މަހުގެ ތެރޭގައި ސިނަމާތަކުގަ އެވެ. ނަމަވެސް ފިލްމުގެ ޓީމުން މިހާރު ނިންމީ ޑިޖިޓަލް ޕްރީމިއާއަކަށް ދާށެވެ.
"ޕިއްޕާ" އަކީ މިދިޔަ ހުކުރު ދުވަހު ރިލީޒްކުރި ބަތަލާ ކަންގަނާ ރަނާވަތުގެ ފިލްމު "ތޭޖާސް" ގެ ވެސް ޕްރޮޑިއުސަރު ރޯނީ ސްކްރޫވާލާގެ އިތުރުން ބަތަލާ ވިދިއާ ބަލަންގެ ފިރިމީހާ ސިދާތު ރޯއި ކަޕޫރް ޕްރޮޑިއުސްކޮށް، ރާޖާ ކްރިޝްނާ މެނަން ޑައިރެކްޓްކޮށްފައިވާ އެއްޗެކެވެ. ރާޖާ އަކީ އަކްޝޭ ކުމާރުގެ "އެއާލިފްޓް" އާއި ސައިފް އަލީ ޚާންގެ "ޝެފް" ވެސް ގެނެސްދިން ޑައިރެކްޓަރެވެ.
އިޝާން، 28، ގެ އެންމެ ފަހުގެ ފިލްމަކީ މިދިޔަ އަހަރުގެ ހޮރޯ-ކޮމެޑީ "ފޯންބޫތު" އެވެ.
