މާ ގިނަ މައުލޫމާތެއް މީޑީއާ އަށް ތިލަ ކޮށްފައިނުވާ މަޝްހޫރު ބަތަލާ ޝިލްޕާ ޝެޓީގެ ފިރިމީހާ ރާޖް ކުންދުރާގެ ބައޮގްރަފިކަލް ޑްރާމާ އަންނަ މަހުގެ 3 ގައި ރިލީޒްކުރަން ނިންމައިފި އެވެ.
ރާޖް ގެ ހަޔާތުތުގެ މައްޗަށް ހަދާ މި ބައޯޕިކް ހަދައިފައިވަނީ ޑައިރެކްޓަރު ފަރާ ހާންއެވެ. މީގެ ދެހަފްތާއެއް ހައި ދުވަސް ކުރިން ފަރާ ވަނީ ސޯޝަލް މީޑިއާގައި އެކަން އިއުލާން ކޮށްފައިއެވެ.
މީޑިއާ އިން މިވާހަކައެއް މިދިއަ މަހެއްހައި ދުވަހުުން ސުރެ ފެށިގެން ދައްކަމުން އަންނަ އިރުގައި މިދިއަ ހަފްތާގައި ވަރަށް ތަފާތު ގޮތަކަށް މި ފިލްމް ގެނެސްދޭކަން ފަރާ ވަނީ އިއުލާން ކޮށްފައިއެވެ.
View this post on Instagram
ސޯޝަލް މީޑިއާގައި ހިއްސާކުރި ފަރާ ޚާނާއި މުނައްވަރު ފާރޫގީގެ އިތުރުން ރާޖް މާސްކަކުން މޫނު ފޮރުވައިގެން އިންނަ މަންޒަރު ފެންނަ ވީޑިއޯއަކުންނެވެ. ނަމަވެސް މިއާ ބެހޭ އިތުރު މައުލޫމާތުތަކެއް އަދިވެސް މުޅިއަކުން ސާފެއް ނުވެ އެވެ. އެގޮތުން ފިލްމުގެ ނަމަކީ "މާސްކް މޭން" ތޯ ނުވަތަ ޔޫޓީ69 ތޯ ވެސް ކަށަވަރު ނުވި ނަމަވެސް ރާޖް ފިލްމުން ފެންނާނެ އެވެ.
ރިޕޯޓްތައް ބުނާ ގޮތުން ރާޖްގެ ބައޮގްރަފިކަލް ޑްރާމާ ހަދަން ނިންމާފައި ވަނީ އޭނަގެ މައްޗަށް 2021 ގައި ކުރެވުނު ބަރަހަނާ ފިލްމު ހަދައި، އެ ވިޔަފާރިން އާމްދަނީ ހޯދާ ކަމަށް ބުނެ ފެންމަތިވި މައްސަލަގަނޑަށެވެ. އެ މައްސަލާގައި ރާޖް ދެ މަހެއްހާ ދުވަސް ޖަލުގައި ވެސް ބަންދުކުރި އެވެ.އެ މައްސަލަގަނޑަށް ފަހު ރާޖް އާންމުކޮށް އުޅެނީ މޫނުގައި މާސްކެއް އަޅައިގެން "ފިލައިގެން" ނެވެ.
