މަޝްހޫރު ޒުވާން ދެ ތަރިން ކަމުގައިވާ ވިކީ ކޯޝަލް އާއި ރަޝްމިކާ މަންދަނާ "ޗާވާ" ކިޔާ ފިލްމަކަށް ސޮއިކޮށްފި އެވެ.
"ޗާވާ" ގައި ކިޔައިދޭނީ އިންޑިއާގެ ކުރީގެ ރަސްކަލެއް ކަމަށްވާ ޗަތުރަޕަތީ ސަމްބާޖީ މަހަރާޖުގެ ވާހަކައެވެ. ސަމްބާޖީ ހަޔާތަށް ހަދާ ތާރީހީ ފިލްމުގައި ސަމްބާޖީގެ ރޯލު ކުޅޭނީ ވިކީ އެވެ.
މި ފިލްމަކީ ޖޫންގައި ރިލީޒްކުރި ވިކީ އާއި ސާރާ އަލީ ޚާންގެ "ޒަރަ ހަޓްކޭ، ޒަރަ ބަޗްކޭ" އުފެއްދި ޕްރޮޑަކްޝަން ހައުސް، މެޑޮކް ފިލްމްސް އަށް އޭގެ ޑައިރެކްޓަރު ލަކްޝްމަން އުޓޭކަރް ޑައިރެކްޓްކުރާ އެއްޗެކެވެ.
"ޗާވާ" ވާނީ ބަތަލާ ކެޓްރީނާ ކައިފްގެ ފިރިމީހާ ވިކީ އާއި "ޕުޝްޕާ" ގެ ބަތަލާ ރަޝްމިކާ އެކީގައި ކުޅޭ ފުރަތަމަ ފިލްމަށެވެ. އެކަމަކު މި ދެ ތަރިން އެކީގައި މީގެ ކުރިން އިޝްތިހާރެއް ކުޅެފައިވެ އެވެ.
މިހާތަނަށް މާބޮޑު ތަފްސީލެއް ހާމަކޮފައި ނުވާ އެ ފިލްމު ސިނަމާތަކަށް ގެންނަ ތާރީހެއް އަދި އިއުލާން ނުކުރެ އެވެ.
