2007 ވަނަ އަހަރު ގެނެސްދިން ކާމިޔާބު ފިލްމު "ޖަބް ވީ މެޓް"ގެ ސީކުއެލްއެއް ގެނެސް ދިނުމުގެ މަސައްކަތް ފަށައިފިކަމަށް ބުނެ މިދިއަ މަހުގައި ނޫސްތަކުން ގެނެސްދިން ހަބަރަށް އެ ފިލްމުގެ ޑައިރެކްޓަރު އިމްތިއާޒް އަލީ ޖާވާބު ދީފިއެވެ.
މި ފިލްމްގެ ސީކުއަލް އެއް ހަދަން އުޅޭ ކަމަށް ބުނެ މީގެ ދެހަފްތާއެއްހައި ދުވަސް ކުރިން އައީ ބުނަމުންވެ. އަދި ސީކުއަލް ގެނެސްދިނުގެ މަސައްކަތް ވެސް މިހާރު ކުރިއަށް ދާކަމަށް ނޫސްތަކުން ބުނެފައިއެވެ. ނަމަވެސް މިވާހަކަތަށް އިމްތިއާޒް ވަނީ ދޮގު ކޮށްފައިއެވެ.
ނިއުސް 18 އަށް ދިން އިންޓަވިއުއެއްގައި އޭނަ ބުނީ 2007 ގެ ފިލްމުގެ ދެވަނަ ބައި ހަދަން އުޅޭ ކަމަށް ބުނެ ވަރަށް ގިނަ މީޑިއާތަކުން ރިޕޯޓްކޮށްފައިވާ ކަމަށެވެ. އެކަމަކު އޭގެ ތެދުދޮގު ސާފުކުރަން އެއްވެސް މީޑިއާއަކުން އޭނަ ނުގުޅާ ކަމަށް އިމްތިއާޒް ބުންޏެވެ.
އަދި "ޖަބް ވީ މެޓް 2″ ގެ ވާހަކަ އަކީ އެއްވެސް ހަގީގަތެއް ނެތް ވާހަކައެއް ކަމަށް ބުންޏެވެ. އެއީ ފަތުރައިގެން އުޅޭ އެއްވެސް ހަގީގަތެއް އެކުލެވިގެން ނުވާ ވާހަކައެއް ކަމަށް އިމްތިއާޒް ވަނީ ބުނެފައިއެވެ.
View this post on Instagram
ނޫސްތަކުން ބުނާ ގޮތުގައި މި ފިލްމް އިން ކުރީގެ ފިލްމް އިން ފެނުން ދެތަރިން ފެނުމުގެ ފުރުސަތު ބޮޑެވެ. "ޖަބް ވީ މެޓް" ކުޅުނު ދުވަސް ވަރުގައި ކަރީނާ އާއި ޝާހިދު އުޅުނީ ލޯބީގެ ގޮތުން ގުޅިގެންނެވެ. އެހެންވެ ފިލްމް އިން އެލޯބި ވެސް ވަރަށް ބޮޑަށް ވަނީ ފެނިގެން ގޮސްފައިއެވެ.
އެމީހުންގެ ލޯބީގެ ގުޅުން ކައިވެންޏަކާއި ހަމަ އަށް ނުގޮސް ވަނީ ފުލުސްޓޮޕް ޖެހިފައިއެވެ. އެއާއި އެކު ދެމީހުން ގެ ހަޔާތަށް ވެސް އައު ބައިވެރިން އައިސް ވަނީ ކައިވެނި ވެސް ކޮށްފައިއެވެ. މިހާރު ޝާހިދު ގެ ވެސް އަދި ކަރީނާގެ ވެސް ދެ ދަރިންވެސް އެބަތިއްބެއެވެ.
View this post on Instagram
"ޖަބް ވީ މެޓް" އަކީ ބޮކްސް އޮފީހުގައި ވެސް ވަރަށް ކާމިޔާބު ފިލްމެކެވެ. ގާތްގަނޑަކަށް 150 މިލިއަން އިންޑިއަން ރުޕީސްގެ ބަޖެޓަކުން ހެދި އެ ފިލްމަށް ބޮކްސް އޮފީހުގައި 500 މިލިއަން ރުޕީސް އަށް ވުރެ ބޮޑު އާމްދަނީއެއް ލިބުނެވެ.
