ޔޫރަޕިއަން އިންވެސްޓްމަންޓް ބޭންކް (އީއައިބީ)ގެ ފަންޑުން ސަރުކާރުގެ އެހީތެރިކަމާއެކު ކޯވިޑް ރިލީފް ސަޕޯރޓްގެ ދަށުން ކުދި ވިޔަފާރިއާއި މެދުފަންތީގެ ވިޔަފާރިތަކަށް އަމާޒުކޮށް ގައުމީ ބެންކުން ތައާރަފްކޮށްފައިވާ އީއައިބީ ކޯވިޑް ރިލީފް ލޯނަށް އެދި ހުށަހެޅުމުގެ ފުރުސަތު ހުޅުވާލައިފިއެވެ.
3000 އަށް ވުރެ މަދުން މުވައްޒަފުން ވަޒީފާއަދާ ކުރާ ވިޔަފާރިއާއި މެދުފަންތީގެ ވިޔަފާރިތަކަށް އީއައިބީ ކޮވިޑް ރިލީފް ލޯނުގެ ދަށުން ލޯނަށް އެދި ހުށަހެޅޭނެ ކަމަށް ބީއެމްއެލުން ކުރިން ވަނީ ބުނެފައެވެ. މިގޮތުން 15.42 މިލިއަން ރުފިޔާ އާ ހަމަޔަށް ލޯނަށް އެދި ހުށަހެޅުމުގެ ފުރުސަތު ހުޅުވާލާފައި ވާކަމަށް ބީއެމްއެލުން މައުލޫމާތުދެއެވެ. މި ލޯނު ދޫކުރުމަށް ހަމަޖެހިފައިވަނީ %6 ގެ ކުޑަ އިންޓަރެސްޓް ރޭޓެއްގަ އެވެ. އަދި ލޯނު އަނބުރާދެއްކުމަށް 4 އަހަރާއި 7 އަހަރާ ދެމެދުގެ މުއްދަތެއްވެސް ލިބޭނެ ކަމަށް ބީއެމްއެލުން ބުނެއެވެ.
ލޯނަށް އެދި ހުށަހަޅަން ޖެހޭނީ އީމެއިލް މެދުވެރިކޮށެވެ. އެގޮތުން ލޯނަށް އެދި ހުށަހަޅާ ފޯމާއި އިތުރު ލިޔުންތައް [email protected] މި އެޑްރެހަށް ފޮނުވުމަށް ބެންކުން އެދެއެވެ.
ކޮމެންޓު ފޮނުވާ