ލީޑުރޯލުން 4 އަންހެން ތަރިން ފެނިގެންދާ ފިލްމް "ދަކް ދަކް" ރިލީޒް ކުރާ ތާރީހް އިއުލާން ކޮށްފިއެވެ. މި ފިލްމް ބެލުންތެރިންނަށް ގެެނެސްދިނުމަށް ނިންމައިފައިވަނީ އޮކްޓޯބަރު މަހުގެ 13 ވަނަ ދުވަހުގައިއެވެ.
ގިނަ ދުވަސްތަކަކު ފިލްމު ކުޅުމުގައި ދުރުގައި ހުރުމަށްފަހު ދިއާ މިރްޒާ މި ފިލްމް އިން އެނބުރި އަންނަ އިރުގައި މި ފިލްމް ގައި ދިއާ އާއި އެކުގައި ފެނިގެންދާނީ ފާތިމާ ސަނާ ޝޭޚް އާއި ސަންޖަނާ ސާންގީ އަދި ރަތުނާ ޕާތަކް ޝާހް އެވެ.
View this post on Instagram
މި ފިލްމްގެ ފަސްޓް ލުކް މިހާރު ހިއްސާކޮށްފައިވާ އިރު މި ފިލްމް ޑައިރެކްޓް ކުރަނީ ތަރޫން ދުޖެދާއެވެ. އަދި ފިލްމް ޕްރޮޑިއުސް ކުރަނީ ތާޕްސީ، ޕްރަންޖަލް ޚަންދްދިޔާ، އަދި އަޔޫޝް މަހެޝްވާރީއެވެ.
ރޯޑް ޓްރިޕެއް ދައްކުވައިދޭ މި ފިލްމަކީ ޕަރިޖަތު ޖޯޝީ އާއި ތަރޫން ދުޑެޖާ ގުޅިގެން ލިޔެފައިވާ ފިލްމެކެވެ. މި ފިލްމް އަކީ ދިއާ މިރްޒާ ކައިވެނީގެ އިތުރުން އަލަތު ދަރިފުޅު ލިބުން ފަހުން ކުޅޭ ފުރަތަމަ ފިލްމްއެވެ.
