ކުރީގެ ސަރުކާރުތަކުގައި އިސް މަޤާމްތަކެއް ފުރުއްވާފައިވާ އައްޝައިޚް މުޙައްމަދު ޤުބާދު އަބޫބަކުރު ޕީޕީއެމްއާއި ގުޅިވަޑައިގެންފިއެވެ.
އޭނާ ޕީޕީއެމްއާއި، ގުޅިވަޑައިގަތުމަށްފަހު ފޯމު ހަވާލު ކުރައްވާފައިވަނީ ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއާއިއެވެ.
އޭނާ އެމްޑީޕީއާއި ގުޅުމުގެ ކުރިން ހުންނެވީ އެމްއެންޕީގައެވެ. ޤުބާދަކީ ރާއްޖޭގެ ގިނަ ސިޔާސީ ޕާޓީތަކެއްގައި މަސައްކަތް ކުރައްވާފައިވާ ބޭފުޅެކެވެ.
ގުބާދު ޕީޕީއެމްއާއި ގުޅިވަޑައިގެންނެވިއިރު އޭނާވަނީ 2011 ވަނަ އަަހަރުވެސް އެމްޑީޕީއާއި ގުޅިވަޑައިގެންފައެވެ. އޭގެ ކުރިން އޭނާވަނީ ޑިއާރުޕީގަވެސް އުޅުއްވާފައެވެ. ރައީސް ޔާމިންގެ ވެރިކަމުގައި އޭނާވަނީ ޕީޕީއެމްގަވެސް އުޅުއްވާފައެވެ. އެހެންނަމަވެސް އިސްލާމިކް މިނިސްޓްރީގެ ޑެޕިއުޓީ މިނިސްޓަރުކަމުގައި ހުންނަވަނިކޮށް އޭނާ މަގާމުން ވަކިކޮށްފައިވަނީ ރައީސް ޔާމިންގެ ވެރިކަމުގައި، 2016 ވަނަ އަހަރުގެ ޑިސެމްބަރުމަހުގެ 6 ވަނަ ދުވަހުއެވެ.
ގުބާދު ފާހަގަ ކުރެވިގައިވަނީ ގިނަގިނައިން ސިޔާސީ ޕާޓީ ބަދަލު ކުރައްވާ ބޭފުޅެއްގެ ގޮތުގައެވެ.
