ބެލުންތެރިންގެ މެދުގައި މަޝްހޫރު ރިއަލިޓީ ޓީވީ ޝޯވ "ބިގް ބޮސް" ގެ 17 ވަނަ ސީޒަން އަންނަ މަހުގެ 15 ގައި ޕްރީމިއާކުރަން ނިންމައިފި އެވެ.
ބޮލީވުޑްގެ މަޝްހޫރު ތަރި ސަލްމާން ޚާން ހޯސްޓްކުރާ ކަލާސް ޓީވީގެ ރިލިއަލިޓީ ޝޯ "ބިގް ބޮސް" ގެ ޕްރޮމޯ ތަކެއް ދައްކަމުން އަންނަތާ މިހާރު ވަނި ދުވަސްކޮޅެއވެސްް ވެފައިއެވެ.
ކަލާޒް ޓީވީގެ ސޯޝަލް މީޑިއާގެ އެކައުންޓްތަކުން މީގެ ޕްރޮމޯ ދައްކަމުން އަންނަ އިރުގައި މި ފަހަރު ހާއްސަކޮށްފައި ކައިވެނިކޮށްގެން އުޅޭ ސެލެބްރިޓީންނަށާއި ކައިވެނި ރޫޅިފައިވާ ސެލެބްރިޓީންނަށެވެ. އެހެންވެ މި ފަހަރުގެ ސީޒަން ވާނީ ތަފާތު ރަހައެއްގެ ޝޯއަކަށެވެ.
"ބިގް ބޮސް 17″ ފަށާ ތާރީހު އިއުލާންކުރި ނަމަވެސް މި ފަހަރުގެ ސީޒަންގައި ވާދަކުރާ ސެލެބްރިޓީންނަކީ ކޮބައި ކަމެއް އަދި ކަށަވަރެއް ނުވެ އެވެ. އެކަމަކު ޝޯ އިން ފެންނާނެ ކަމަށް ބެލެވޭ އެކިއެކި ތަރިންގެ ވާހަކަތައް މީޑިއާތަކުގައި އަންނަނީ ދެކެވެމުންނެވެ.
ކަލާޒް އިން ގެނެސްދިން "ބިގް ބޮސް 16″ ކާމިޔާބުކުރީ މަޝްހޫރު ރެޕާ އެމްސީ ސްޓޭން އެވެ. މިފަހަރުގެ ސީޒަން އަކީ ސަލްމާން ހޯސްޓްކުރާ 14 ވަނަ ސީޒަން އެވެ. ސަލްމާންގެ އިތުރުން ބިގްބޮސް ހޯސްޓްކޮށްފައިވަނީ އަމީތާބް ބައްޗަން، ޝިލްޕާ ޝެޓީ އަދި އަރުޝަދު ވާސީ އެވެ.
ކޮމެންޓު ފޮނުވާ