2007 ވަނަ އަހަރު ގެނެސްދިން ކާމިޔާބު ފިލްމު "ޖަބް ވީ މެޓް"ގެ ސީކުއެލްއެއް ގެނެސް ދިނުމުގެ މަސައްކަތް ފަށައިފިއެވެ.
މި ފިލްމް އަކީ ޝާހިދު ކަޕޫރު އާއި ކަރީނާ ކަޕޫރު ފެނިގެން ދިއަ ވަރަށް ކާމިޔާބު ފިލްމްއެކެވެ. ފިލްމް އަކީ ލޯބީގެ ވަރަށް އަސަރުގަދަ ފިލްމްއެކެވެ. ރިޕޯޓްތައް ބުނި ގޮތުގައި، އެ ފިލްމު ވެސް ޑައިރެކްޓުކުރާނީ ފުރަތަމަ ފިލްމު ޑައިރެކްޓުކުރި އިމްތިއާޒު އަލީ އެވެ.
ނޫސްތަކުން ބުނާ ގޮތުގައި މި ފިލްމް އިން ކުރީގެ ފިލްމް އިން ފެނުން ދެތަރިން ފެނުމުގެ ފުރުސަތު ބޮޑެވެ. "ޖަބް ވީ މެޓް" ކުޅުނު ދުވަސް ވަރުގައި ކަރީނާ އާއި ޝާހިދު އުޅުނީ ލޯބީގެ ގޮތުން ގުޅިގެންނެވެ. އެހެންވެ ފިލްމް އިން އެލޯބި ވެސް ވަރަށް ބޮޑަށް ވަނީ ފެނިގެން ގޮސްފައިއެވެ.
އެމީހުންގެ ލޯބީގެ ގުޅުން ކައިވެންޏަކާއި ހަމަ އަށް ނުގޮސް ވަނީ ފުލުސްޓޮޕް ޖެހިފައިއެވެ. އެއާއި އެކު ދެމީހުން ގެ ހަޔާތަށް ވެސް އައު ބައިވެރިން އައިސް ވަނީ ކައިވެނި ވެސް ކޮށްފައިއެވެ. މިހާރު ޝާހިދު ގެ ވެސް އަދި ކަރީނާގެ ވެސް ދެ ދަރިންވެސް އެބަތިއްބެއެވެ.
"ޖަބް ވީ މެޓް" އަކީ ބޮކްސް އޮފީހުގައި ވެސް ވަރަށް ކާމިޔާބު ފިލްމެކެވެ. ގާތްގަނޑަކަށް 150 މިލިއަން އިންޑިއަން ރުޕީސްގެ ބަޖެޓަކުން ހެދި އެ ފިލްމަށް ބޮކްސް އޮފީހުގައި 500 މިލިއަން ރުޕީސް އަށް ވުރެ ބޮޑު އާމްދަނީއެއް ލިބުނެވެ.
މި ފަހުން އިމްތިއާޒު ވަނީ ވަރަށް ގިނައިން ޝާހިދުއާ ބައްދަލު ވެސް ކޮށްފައި އެވެ. އެހެން ކަމުން ފިލްމް ވަރަށް އަވަހަށް އިއުލާން ކުރާނެ ކަމަށް ބެލެވެއެވެ. މި ދެތަރިން ފިލްމްއިން ފެނުމަކީވެސް އެކަށީގެން ވާކަމެވެ. އެހެން ކަމުން އޮތީ އިންތިޒާރު ކުރުމެވެ.
