މީގެ 26 އަހަރު ކުރިން ގެނެސްދިން ކާމިޔާބު ފިލްމު "ހީރޯ ނަމްބަރު 1″ ގެ ސީކުއަލް އިން ޓައިގާ އާއި އެކުގައި ފެނިގެންދާނީ ބަތަލާ ސާރާ އަލީ ހާން ކަމަށް ރިޕޯޓް ތަށް ބުނެފިއެވެ.
ކަރިސްމާ ކަޕޫރު އާއި ގޯވިންދާ ލީޑުން ފެނިގެންދިއަ 1997 ވަނަ އަހަރުގެ މި ފިލްމް އަކީ ވަރަށް ކާމިޔާބު އަދި ބެލުންތެރިންގެ ބޮޑު މަގުބޫލު ކަމެއް ހޯދި ފިލްމް އެކެވެ. މި ފިލްމް ޑައިރެކްޓް ކޮށްފައިވަނީ އެކްޓަރު ވަރުން ދަވަން ގެ ބައްޕަ ޑޭވިޑް ދަވަންއެވެ.
ފިލްމީ ޚަބަރުތައް ގެނެސްދޭ މީޑިއާތަކުގައި މި ވާހަކަ މިހާރު ދެކެވެމުން ދިޔަ ނަމަވެސް ފުރަތަމަ ބައި އުފެއްދި ޕްރޮޑިއުސަރު ވާޝޫ ބަގްނާނީގެ ފަރާތުން މިކަން ކަށަވަރުކޮށް ދީފައެއް ނުވެ އެވެ. އަދި ޑޭވިޑް ވެސް "ހީރޯ ނަމްބަރު 1″ ގެ ސީކްއެލްއާ ބެހޭ އެއްވެސް ވާހަކައެއް ނުދައްކަ އެވެ.
ޑޭވިޑް އެންމެ ފަހުން ޑައިރެކްޓްކުރީ ގޯވިންދާ އާއި ކަރިޝްމާ ކުޅުނު 1995 ގެ "ކޫލީ ނަމްބަރު 1″ ގެ ރީބޫޓް ވާޝަނެވެ. ދެހާސް ވިހީގައި ގެނެސްދިން އެ ފިލްމުގެ ލީޑް ކުޅުނީ ޑޭވިޑްގެ ދަރިފުޅު ވަރުން ދަވަނާއި ސާރާ އެވެ.
ސާރާ އާއި ޓައިގާއާ އެކީ "ހީރޯ ނަމްބަރު 1″ ގެ ސީކްއެލް ހަދަން ތައްޔާރުވަމުން އަންނަ ކަމަށް މީޑިއާތަކުން ބުނެފައިވާ އިރު، މި ދެ ތަރިން އެކީގައި އަދި މިހާތަނަށް ފިލްމެއް ނުކުޅެ އެވެ.
