މި އަހަރު އެންމެ މޮޅު އެކްޓަރުގެ ނެޝަނަލް އެވޯޑް ހާސިލު ކުރި ސައުތުގެ މަޝްހޫރު އެކްޓަރު އައްލު އަރުޖުންގެ ކާމިޔާބު ފިލްމް "ޕުޝްޕާ" ގެ ދަވަނަ ބައި "ޕުޝްޕާ 2″ ރިލީޒްކުރާ ތާރީހު އިއުލާންކޮށްފި އެވެ.
ޕުޝްޕާ އަކީ ގިނަ ރެކޯޑްތަކެއް މުގުރާލި އަދި 2021 ވަނަ އަހަރުގެ އެންމެ ކާމިޔާބު އެއް ފިލްމްވެސް މެއެވެ. މި ފިލްމް އަކީ ބޮޑު އާމްދަނީއެއް އެއަހަރު ހޯދުނު މަދު ފިލްމްތަކުގެ އެންމެ ކުރިން ޖާގަ ހޯދާ ފިލްއެކެވެ.
View this post on Instagram
ޖުމްލަ 250 ކްރޯޑް ރުޕީސް (30.2 މިލިއަން ޑޮލަރު) ގެ ބަޖެޓަކުން ހެދި ފިލްމަށް އާމްދަނީގެ ގޮތުގައި 373 ކްރޯޑް ރުޕީސް (45 މިލިއަން ޑޮލަރު) ލިބިފައިވެ އެވެ. ކާމިޔާބު މި ފިލްމްގެ ލީޑުން ފެނިގެން ދިއައީ އައްލު އާއި އެކުގައި ރަޝްމިކާ މަންދަނާއެވެ.
ފިލްމުގެ ފަސްޓް-ލުކް ޕޯސްޓަރާ އެކީ ބުނެފައި ވަނީ "ޕުޝްޕާ 2: ދަ ދޫލް" ސިނަމާތަކަށް ގެންނާނީ އަންނަ އަހަރުގެ މިނިވަން ދުވަހު ކަމަށެވެ. އެއީ އޮގަސްޓް 15 ގަ އެވެ. އެހެންކަމުން މި ފިލްމްގެ އިންތިޒާރުގައި ތިބި ބެލުންތެރިންގެ އިންތިޒާރުގެ ނިމުން އަންނީ 2024 ގެ އޮގަސްޓް 15 ގައިއެވެ.
