"ދަ ކަޝްމީރު ފައިލްސް" ގެނެސްދިން ޑައިރެކްޓަރު ވިވެކް އަގްނިހޯތުރީގެ ކުރިއަށް އޮތް ފިލްމް "ދަ ވެކްސިން ވޯ" އަޅުވާ ދުވަސް އިއުލާން ކޮށްފިއެވެ. މިފިލްމް އެޅުވުމަށް ތާވަލު ކޮށްފައި ވަނީ މިމަހުގެ 28 ވަނަ ދުވަހަށެވެ.
"ދަ ވެކްސިން ވޯ" 11 ބަހަކުން ސިނަމާތަކަށް ގެންނާނެއެވެ. ހަގީގީ ހާދިސާތަކެއްގެ މައްޗަށް ބިނާކޮށް ހަދާ "ދަ ވެކްސިން ވޯ" ގެ ޓެގް ލައިނަކީ "އަ ވޯ ޔޫ ޑިޑިންޓް ނޯ ޔޫ ފޯޓް. އެންޑް ވޮން" އެވެ.
View this post on Instagram
ކޮވިޑްގެ ތެރޭގެ ހާދިސާތަކެއް ދައްކުވައި ދޭނެ ފިލްމު "ދަ ވެކްސިން ވޯ" މިމަހުގެ ރިލީޒް ކުރުމަށް ވަނީ ނިންމައިފައިއެވެ. މި ފިލްގެ ކާސްޓުގައި "ދަ ކަޝްމީރު ފައިލްސް" ގައި ކުޅުނު ރޯލަށް އެންމެ މޮޅު ސަޕޯޓިން ބަތަލާގެ ނެޝަނަލް އެވޯޑް މި އަހަރު ކަށަވަރުކުރި އޭނަގެ އަންހެނުން ޕައްލަވީ ޖޯޝީ އާއި ނާނާ ޕަޓޭކަރާއި ރައިމާ ސެން އަދި އަނޫޕަމް ކޭރް ހިމެނެ އެވެ.
"ދަ ކަޝްމީރް ފައިލްސް" ގެ ކާމިޔާބީއާއި އެކުގައި އޭނާގެ ފިލްމް އަށް ބެލުންތެރިން ކުރާ އުންމީދުތަށް މިހާރު ބޮޑެވެ. މި ފިލްމާއެކު ވިވެކް ވަނީ އިންޑިއާގެ އެންމެ ނަން މަޝްހުރު ޑައިރެޓަރުންގެ ލިސްޓުން ގާޖަ ހޯދާފައެވެ. "ދަ ކަޝްމީރް ފައިލްސް" އަކީ ކުޑަ ބަޖެތަކުން ހެދި ވަރަށް ކާމިޔާބު ފިލްމްއެކެވެ. އަނެއް ކޮޅުން ފިލްމް އިން ބޮލީވުޑްގެ އޭ ލިސްޓްގެ ތަރިއެއް ފެނިގެންނުދެއެވެ.
