އަންނަ މަހުގައި ސިނަމާތަކަށް ގެންންނަ ތާވަލް ކޮށްފައިވާ ފިލްމް "ތޭންކް ޔޫ ފޯ ކަމިން" ގެ ޓްރެއިލާ އެއް ދައްކައިލައިފިއެވެ.
މި ފިލްމްގައި ކިޔައިދޭނީ ޒަމާނީ އަންހެނުން ތަކެއް ގެ ވާހަކައެވެ. މައިގަޑު ކާސްޓުގައި މި ފިލްމް އިން ފެނިގެންދާނީ އަންހެން ތަރިންނެވެ. އެގޮތުން މި ފިލްމްގެ މައިޑު ތަރިންނަކީ ބޫމީ ޕިޑްނޭކަރާއި ޝެޙެނާޒް ގިލް ސަނާ) އާއި ކުޝާ ކަޕީލާ އާއި ޑޯލީ ސިންގް އާއި ނަތާޝާ ރަސްތޯހީ އެވެ.
މީގެ އިތުރުން ވެސް ބޮޑު ކާސްޓެއް ހިމެނޭ މި ފިލްމްގައި ކަރަން ކުންދުރާ، ޕްރަދޫމަން ސިންގް، ސުޝާންތި ދިވިގްކަރް އަދި ސަލޯނީ ޑައިނީ މުހިންމު ރޯލުތަކުން ފެނިގެންދާނެއެވެ.
އަދި މި ފިލްމް އިން އަނިލް ކަޕޫރު ވެސް ފެނިގެން ދާނެއެވެ. މި ފިލްމްގެ ޑައިރެކްޓަރަކީ އަނިލް ކަޕޫރްގެ ދަނބިދަރިއެއް ކަމަށްވާ ކަރަން ބޫލާނީގެ އަލަތު ޑައިރެކްޝަނެވެ. ކަރަން އަކީ އަނިލްގެ ހަގު އަންހެން ދަރިފުޅު ރިއާ ކަޕޫރު ގެ ފިރިމީހާއެއެވެ.
View this post on Instagram
"ތޭންކް ޔޫ ފޯ ކަމިން" އަކީ ރިއާ އާއި އެކްތާ ކަޕޫރް ގުޅިގެން ޕްރޮޑިއުސްކޮށްފައިވާ އެއްޗެކެވެ. މިއީ 2018 ގެ "ވީރޭ ދީ ވެޑިން" ވެސް ގެނެސްދިން ޓީމެވެ. އެ ފިލްމް އަކީ ވެސް އަންހެނުން ތަކެއްގެ ވާހަކަ ކިޔައިދިން ފިލްމްއެކެވެ. ފިލްމް ވެގެން ގޮސްފައިވަނީ ވަރަށް ކާމިޔާބު ފިލްމް އަކަށެވެ. މިއާއި އެކުގައި އޭގެ ދެވަނަ ބައެއް ވެސް ހަދަން އުޅޭ ކަމުގެ އަޑުތަށްވެސް ދޭތެރެ ދޭތެރެއިން އެވެއެވެ.
