އިލެކްޝަނާއި ގުޅުންހުރި އެކި މައްސަލަތަކުގައި 6 މީހަކު ފުލުހުންގެ ބެލުމުގެ ދަށަށް ގެންގޮސްފައިވާކަމަށް ފުލުހުން ބުނެފިއެވެ.
ފުލުހުން ބުނީ މިހާތަނަށް އިންތިޚާބާއި ގުޅުންހުރި އެކި މައްސަލަތަކުގައި ފުލުހުންގެ ބެލުމުގެ ދަށަށް ގެންދިޔަ 6 މީހުންގެ ތެރެއިން 4 މީހަކު ދޫކޮށްލާފައިވާކަމަށެވެ. އަދި 2 މީހަކު މިހާރުވެސް ތިބީ ފުލުހުންގެ ބެލުމުގެ ދަށުގައި ކަމަށެވެ.
މިއަދުގެ ވޯޓުލުން މުޅި ރާއްޖޭގެ އެކި ކަންކޮޅުތަކުގައި ވަރަށް އަމާންކަމާއި އޮމާން ކަމާއިއެކު ކުރިއަށްދާކަން ފާހަގަ ކޮށްލެވެއެވެ. އިންތިޚާބާއި ގުޅުންހުރި މަދު މައްސަލަތަކެއް ފިޔަވައި ހުރިހާ ސަރަހައްދެއްވައިވެސް ވޯޓުލުން ދަނީ ކުރިއަށެވެ. ފުލުހުންގެ ބެލުމުގެ ދަށަށް ގެންދިޔަ މީހުންނަކީ ކޮން ރަށަކުން ފުލުނުންގެ ބެލުމުގެ ދަށަށް ގެންދިޔަ ބައެއްކަން ފުލުނުން ހާމައެއް ނުކުރެއެވެ.
އިންތިޚާބު ހިނގަމުންދާ ގޮތާއި ގުޅޭ ގޮތުން އިލެކްޝަނުން ބުނެފައިވަނީ އިންތިޚާބުގެ ކަންކަން ހިނަގމުންދަނީ ވަރަށް އަމާން ކަމާއިއެކުގައި ކަމަށެވެ. ނަމަވެސް ކޮންމެވެސް ވަރެއްގެ ކަންތައްތަކެއް ފާހަގަވެ، އެމައްސަލަތައް ހައްލުކޮށް ހުރިހާ ތަނެއްގައިވެސް ވޯޓުލުން ކުރިއަށްދާކަމަށް އިލެކްޝަނުން ވިދާޅުވެފައިވެއެވެ.
