ބަތަލާ ޝިލްޕާ ޝެޓީގެ ކުރިއަށް އޮތް ފިލްމް "ސުކީ" ރިލީޒް ކުރާ ތާރީހް އިއުލާން ކޮށްފިއެވެ. މި ފިލްމް ގައި ޝިލްޕާ ކުޅެފައިވަނީ "ސުކީ" ކިޔާ ވަރަށް ގެވެހި އަންބެއްގެ ރޯލެވެ.
މި ފިލްމަކީ ޓީ ސީރީޒުން ޕްރޮޑިއުސްކޮށް، ސޯނަލް ޖޯޝީ ޑައިރެކްޓްކޮށްފައިވާ އެއްޗެކެވެ. ގެވެހި އަންބެއްގެ ދިރިއުޅުމަށް ދިމާވާ ގޮންޖެހުންތަކާ އެކަންކަމުން އަރައިގަތުމަށް ކުރާ މަސައްކަތާއި އެއަށް ފަހު އޭނާ ގެ ދިރިއުޅުމަށް އަންނަ ތަފާތު މި ފިލްމުން ފެނިގެންދާނެއެވެ.
"ސުކީ" އިން ބޮޑު ކާސްޓެއް ފެންނާނެ އެވެ. އެކަމަކު މި ފިލްމް އިން މާ މަޝްހޫރު ތަރިންތަކެއް ފެނިގެންނެއް ނުދާނެއެވެ. "ސުކީ" ގައި ޝިލްޕާއާ އެކީ ފެންނާނެ އެންމެ ފާހަގަކޮށްލެވޭ އެކަކީ އަމިތު ސާދެވެ. މީގެ އިތުރުން މި ފިލްމްގެ ކާސްޓުގައި ހުޝީ ކަޕިލާ، ދިލްނާޒް އިރާނީ އާއި ނިތާޝީ ގޯއެލް އަދި ކިރަން ކުމާރު ހިމެނެއެވެ.
View this post on Instagram
ޝިލްޕާ އަކީ ކާމިޔާބު އެތަށް ފިލްމްތަކެއް ކުޅެފައިވާ ބަތަލާއެކެވެ. އޭގެތެރެއިންވެސް ފާހަގަ ކޮށްލެވޭ އެއް ފިލްމް އަކީ މީގެ 23 އަހަރު ކުރިން ރިލީޒްކުރި "ދަޅްކަން" އެވެ. އެންމެ ފަހުން ޝިލްޕާ ފެނިގެން ގޮސްފައިވަނީ "ނިކަންމާ" ކިޔާ ފިލްމް އަކުންނެވެ.
