ޢާންމު ރައްޔިތުން ކުރަން ބޭނުންވާ ކޮންމެ ސުވާލެއް ކުރުމުގެ ފުރުސަތު ދެވޭ ގޮތަށް މިރޭ ޑރ.މުއިއްޒު ޚާއްސަ ޕްރޮގުރާމެއްގައި ބައިވެރިވުމަށް ހަމަޖެހިއްޖެއެވެ.
ރިޔާސީ ބަހުސްވެސް ގެނެސްދިން ސަންގު ޓީވީން އިންތިޒާމު ކުރާ މި ޕްރޮގުރާމުގައި ޑރ.މުއިއްޒާއި ސުވާލު ކުރައްވަން ބޭނުންވާ ކޮންމެ ބޭފުޅަކަށް ވަނީ އެފުރުސަތު ހުޅުވާލާފައެވެ. މިރޭ 21:00 އިން 22:30 އަށް ކުރިއަށްދާ މި ޝޯގައި ސުވާލު ކުރައްވަން ބޭނުންވާ ބޭފުޅުންނަށް SE (space) askmuizzu (name, age, island) to 3366 ފޮނުވުނުން ފުރުސަތު ލިބިގެންދާނެއެވެ.
ފޯނުކޯލްތަކަށް ޖަވާބު ދޭން ފަށާނީ މިރޭ 21:00 އިނން ފެށިގެންނެވެ. މުއިއްޒަކީ ރިޔާސީ ބަހުސްގައިވެސް އެންމެ ރަނގަޅަށް ޕާފޯމްކުރި އެއް ކެންޑިޑޭޓެވެ. ކެމްޕޭނަށް އޮތް ވަގުތު ކުޑަވުމުންނާއި، ގިނަ މީހުން ކައިރިއަށް ގޮސް ބައްދަލުވުމުގެ ފުތުސަތު ކުޑަވުމުން މުއިއްޒު ގެންދަވަނީ ރައްޔިތުންނަށް މީޑިއާގެ ޒަރީއާއިންނާއި އެނޫން ގޮތްގޮތުންވެސް ބައްދަލު ކުރެވޭނެ ގޮތް މަގުފަހިކޮށް ރައްޔިތުންގެ ސުވާލުތަކަށް ޖަވާބު ދެއްވަމުންނެވެ.
Hama Beynun Komme Suvaaleh! Evves Hifehettumeh Noannaane! Vote ah Vadaigathumuge kurin Shakkeh Nubahattaa!
SE (space) askmuizzu (name, age, island) to 3366 pic.twitter.com/cYtsGQybYI
— Sangu TV (@Sangu_TV) September 6, 2023
މުއިއްޒު އަތޮޅު ތެރޭގެ ރަށްތަކަށް ކުރެއްވި ދަތުރުފުޅުތައް ނިންމަވާލައްވާއި މާލެ ވަޑައިގެންނެވީ ރޭ ތުލުސްދޫގައި ބޭއްވި ޖަލްސާއަށް ފަހުއެވެ. މުއިއްޒު ވަނީ ތަކުރާރުކޮށް ލިބުނު ކުޑަ ވަގުތުކޮޅުގައި ރާއްޖޭގެ ހުރިހާ ރަށަކަށް ނުދެވުމަކީ ނުހަނު ހިތާމަ ކުރައްވާ ކަމެއްކަމަށް ވިދާޅުވެފައެވެ. ނަމަވެސް މުއިއްޒު ދެއްވި ޔަގީންކަމަކީ އެއްވެސް ރަށެއް ތަފާތު ކުރުމެއްނެތި ކޮންމެ ރަށެއްގެ ރައްޔިތުންވެސް ބޭނުންވާ ކަންކަން ކޮށްދެއްވާނެ ކަމުގެ ޔަގީންކަމަށެވެ.
ހޮނިހިރު ދުވަހު ވޯޓުލާން ވަގުތު ކުޑަތަން ވެފައިވާއިރު، މުއިއްޒުގެ ޓީމުތަކުން މުޅި ރާއްޖޭގެ އެކި ކަންކޮޅުތަކުގައި ގެންދަވަނީ ކެމްޕޭން ހަރަކާތްތައް ހިންގަވަމުންނެވެ. އެގޮތުން ރަނިން މޭޓް ސެމްބެ މިވަގުތުވެސް އުޅުއްވަނީ އަތޮޅު ތެރޭގެ ކެމްޕޭންގައެވެ. އަދި މާލޭގައި ވަރަށް ފުޅާކޮށް މުއިއްޒުގެ ކެމްޕޭން ހަރަކާތްތައް ގެންދަނީ ކުރައްވަމުންނެވެ.
