އއ.ރަސްދޫއަށް ދިމާވެފައިވާ ބިމުގެ ދަތިކަމަށް ހައްލު ގެނައުމަށް ބިން ހިއްކައި، މަގުތައް ޒަމާނީ ފެންވަރަކަށް ހަދާނޭކަމުގެ ޔަގީންކަން ޑރ.މުއިއްޒު ދެއްވައިފިއެވެ.
ރިޔާސީ ކެމްޕޭންގައި ރަސްދޫއަށް ވަޑައިގެން އެރަށުގެ ރައްޔިތުންނާއި ވާހަކަ ދައްކަވަމުން މުއިއްޒު ވަނީ މިއަދު އެރަށަށް ދިއުމުން ކީ ހޫނު މަރުޚަބާއަށް ޝުކުރު ދަންނަވާފައެވެ. މުއިއްޒު ވިދާޅުވީ ރަސްދޫގައި ހުރި މައްސަލަތަކަށް ހައްލު ގެނެސްދެއްވާކަމަށެވެ. އެގޮތުން ބިން ހިއްކުމާއި މަގު ހެދުމަކީ އެންމެ އިސްކަން ދެއްވައިގެން ކުރާނެ ކަންތައްކަމަށް މުއިއްޒު ވިދާޅުވިއެވެ.
މުއިއްޒު ރަސްދޫއަށް ވެވަޑައިގެންނެވި ވައުދުތައް:
– ބިންހިއްކުމުގެ ބޮޑު މަޝްރޫޢެއް ކުރިއަށް ގެންދިއުން
– މަގު ހެދުން
– ހޮސްޕިޓަލް އިތުރަށް ތަރައްޤީކޮށް ވަސީލަތްތައް ތަނަސްކޮށް ދިނުން
– ބޯހިޔާ ވަހިކަން ކަށަވަރު ކޮށް ދިނުން
– ޖާގަ ތަނަވަސް މިސްކިތެއް ބިނާކުރުން
– ތައުލީމީ ނިޒާމު އިތުރަށް ޚަރުދަނާ ކުރުން
މުއިއްޒު ވިދާޅުވީ އޮތް ކުޑަ ވަގުތު ކޮޅުގައި ހުރިހާ ރަށަކަށް ނުދެވުނު ނަމަވެސް ކޮންމެ ރަށަކުންވެސް ބޭނުންވާ ތަރައްޤީގެ ހުރިހާ ކަމެއް ކޮށް ދެއްވާނެކަމަށެވެ.
PPM PNC ge Riyaasee Candidate Dr. Mohamed Muizzu AA.Rasdhoo ah vadaigennevun. @MMuizzu #Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/CThvFzNXZf
— Progressive Party of Maldives (@ProgressPartyMV) September 5, 2023
މިޖަލްސާގައި ރަސްދޫއިން އަލަށް ޕީޕީއެމްއާއި ގުޅުނު މެމްބަރުންގެ ފޯމުތައް ވަނީ ހަވާލުކޮށްފައެވެ.
