ޑރ. މުއިއްޒުގެ ތަސައްވަރު މާލޭގެ ގޯޅިތަކާއި ގޭގޭގެ ސިންޓިން ރޫމްތަކާއި ހަމައަށް ގެންގޮސް ރައްޔިތުންގެ ކަންބޮޑުވުންތަކަށް ހައްލު ހޯދައި ދޭނެކަމުގެ ޔަގީންކަން ދެއްވައިފިއެވެ.

އަންނަ ހޮނިހިރު ދުވަހު ވޯޓުލާއިރު މާލެ ސަރަހައްދަކީ އެންމެ ގިނަ އަދަދަކަށް ވޯޓުލުމުގެ ހައްގު ލިބިފައިވާ މީހުން ދިރިއުޅޭ ތަނެވެ. އަދި މާލޭގެ ރައްޔިތުންނަކީ މިއިންތިޚާބުގައި އެންމެ ގިނަ އަދަދަކަށް ވޯޓުލާ މީހުންނެވެ. މާލޭގައި ވޯޓު ލެވޭ 54،000 އަށްވުރެ ގިނަ މީހުން އެބަތިއްބެވެ.

މާލޭގެ ރައްޔިތުންގެ ވޯޓު ކަށަވަރު ކުރުމަށް ޑރ.މުއިއްޒުގެ ފަރާތްޕުޅުން ގެންދަވަނީ ގޭގެއަށް ވަޑައިގެން ރައްޔިތުންނާއި ގާތުން ބައްދަލު ކުރަމުންނެވެ. މިމަސައްކަތަކީ މުއިއްޒު މާލެ ސިޓީ ކައުންސިލްގެ މޭޔަރު ކަމަށް އިންތިޚާބުވުމުގެ ކުރިންނާއި އިންތިޚާބަށްފަހު ވެސް ކުރައްވަމުން ދިޔަ މަސައްކަތެކެވެ. މިހާރުވެސް ޑރ. މުއިއްޒުގެ ފަރާތްޕުޅުން ގެންދަވަނީ މާލޭގެ ރައްޔިތުންގެ ކަންބޮޑުވުންތަކަށް ހައްލު ހޯދުމަށް ރައްޔިތުންނާއި ބައްދަލު ކުރައްވަމުންނެވެ.

ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވީ މާލޭ ރައްޔިތުންގެ ފަރާތުން ލިބެނީ ވަރަށް އުންމީދީ މެސެޖުތަކެއް ކަމަށެވެ. ރައްޔިތުން ތިބީ ޑރ. މުއިއްޒު ހުސަހަޅުއްވާފައިވާ ކަންކަން ހަގީގަތަކަށް ވެގެންދާނެ ކަމުގެ ފުރިހަމަ ޔަގީން ކަމާއިއެކުގައެވެ.

ޑރ. މުއިއްޒުގެ ތަސައްވަރު މާލޭގެ ގޯޅިތަކާއި ގޭގޭގެ ސިންޓިން ރޫމްތަކަށް. ރައްޔިތުން އެދޭ އަމާޒަށް ވާސިލް ވުމަށް ރައްޔިތުން ތިބީ ޑރ. މުއިއްޒަށް ވޯޓު ދޭން ކެތް މަދުވެފަ. މިކަން އެބަނިމޭ ފުރަތަމަ ބުރުން.

– ޝިޔާމް ވިދާޅުވިއެވެ.

Dr. @MMuizzu ge thasavvuru Male ge goalhithakaa geygeyge sitting room thakah. Rayyithun edhey amaazah vaasilvumah rayyithun thibee Dr. Muizzah vote dheyn keh madhuvefai. In Sha Allah mikan eba nimey furathama burun. #MuizzuSembe2023 #DhiveheengeRaajje #FreePresidentYameen pic.twitter.com/Ud5fg9bcAt

— Ahmed Shiyam (@Shiyamaldives) September 4, 2023

މާލޭގެ މޭޔަރަކަށް ޑރ. މުއިއްޒު ވަޑައިިގެންނެވީވެސް މާލޭ ރައްޔިތުންގެ ބޮޑު ޢައުލަބިއްޔަތަކާއި އެކުގައެވެ. އަދި މިއިންތިޚާބަކީ އެއަށްވުރެ މަބޮޑު އައުލަބިއްޔަތަކާއިއެކު މުއިއްޒު އިންތިޚާބު ކާމިޔާބުކޮށް މާލޭގެ ރައްޔިތުންގެ ކަންބޮޑުވުންތަކަށް ދާއިމީ ހައްލު ގެންނާނެ ފަހަރުކަމަށް މާލޭގެ ރައްޔިތުން ގަބޫލު ކުރެއެވެ.