ލ. ހިތަދޫ ގިނަ އަދަދެއްގެ ޒުވާނުންތަކެއް މުއިއްޒުއަށް ތާއީދުކޮށް، ޕީޕީއެމްއަށް ސޮއިކޮށްފިއެވެ.
ލ. އަތޮޅަށް ޑރ. މުއިއްޒު ކުރައްވަމުންދާ ދަތުރުގައި މިއަދު ހިތަދޫއަށް ވަޑައިގެންނެވުމުން އެރަށުން ވަނީ މުއިއްޒުއާއި ޓީމަށް ހޫނު މަރުޚަބާއެއް ދަންނަވާފައެވެ. މުއިއްޒުއަށް ތާއީދުކޮށް ހިތަދޫއިން ސޮއިކުރީ މުޅިންވެސް ޒުވާނުންނެވެ. މީގެ ތެރޭގައި މީގެ ކުރިން އެމްޑީޕީގައި ހަރަކާތްތެރިވި ޒުވާނުން ހިމެނެއެވެ.
ހިތަދޫ ގިނަ ޒުވާނުންތަކެއް މުއިއްޒުއަށް ތާއީދުކޮށް ޕީޕީއެމްއަށް ސޮއިކުރިއިރު، ރޭ ލ.ގަމުންވެސް ގިނަ އަދަދެއްގެ ޒުވާނުން ވަނީ މުއިއްޒުއަށް ތާއީދުކޮށް ޕީޕީއެމްއަށް ސޮއިކޮށްފައެވެ. އޭގެ ތެރޭގައި އެމްޑީޕީ ކައުންސިލަރުންނާއި، ގަމު އެމްޑީޕީގައި އެތައް އަހަރެން ވަދެން މަސައްކަތް ކުރި އިސް ބޭފުޅުން ހިމެނެއެވެ.
L. Hithadhoo in PPM aa gulhivadaigennevi beyfulhunnah Maruhabaa #MavesPPM pic.twitter.com/lMM8coNhuK
— Progressive Party of Maldives (@ProgressPartyMV) September 4, 2023
މުއިއްޒު ވަނީ ހިތަދޫ ރައްޔިތުން ބޭނުންވާ ތަރައްޤީ ހާސިލް ކޮށްދެއްވާނެކަމުގެ ޔަގީންކަން ދެއްވާފައެވެ. އަދި ލ.އަތޮޅުގެ ޒުވާނުންނާއި އިސް ރަށްވެހިންނާއި، މުޅި ލ.އަތޮޅުގެ ރައްޔިތުންނަށް ބޭނުންވާ ކަންކަން ކޮށްދެއްވާނެ ކަމުގެ ޔަގީންކަން މުއިއްޒު ވަނީ ދެއްވާފައެެވެ.
