ޖަލުގައި ޝަރީއަތެއް ނެތި، ވާނުވާ ބަންދުގައި ތިބި މީހުންގެ މައްސަލަތަކަށް ހައްލު ގެނައުމަށްޓަކައި ވާނުވާ ނިޒާމް އުވާލައި، ވާނުވާ ބަންދުގައި އެންމެ ގިނަވެގެން ބެހެއްޓޭނީ 48 ގަޑިއިރަށް ކަމަށް ހަދާނެކަމަށް ޕީޕީއެމް/ޕީއެންސީގެ ރިޔާސީ ކެންޑިޑޭޓުޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.
ރިޔާސީ ކެމްޕެއިނަށް މިއަދު ހެނދުނު ތ. ތިމަރަފުއްޓަށް ވަޑައިގެން ވާހަކަފުޅު ދައްކަވަމުން ވިދާޅުވީ، ޝަރުއީ ދާއިރާއަށް ގެންނަ އިސްލާހުތަކުގެ ތެރޭގައި ވާނުވާ ނިޒާމް އުވާލައްވާނެ ކަަމަށެވެ. ތަފާތު އެކި ތުހުމަތުތަކުގައި ހައްޔަރުކުރެވިފައިވާ ފަރާތްތަކުގެ ތެރެއިން ޝަރީއަތް ނިމެންދެން ބަންދުގައި ތިބި މީހުންގެ އަދަދުތައް ގިނައެވެ.
މާނައަކީ އެންމެ ގިނަވެގެންވެެސް 48 ގަޑިއިރު ބެހެއްޓޭނީވެސް އެއްވެސް މީހަކު، މި ދެންނެވި ގޮތަށް އިސްލާހު ކުރެވުނީމަ، އެއްވެސް މީހަކާއި ދޭތެރޭގައި ގޮތެއް ނުނިންމާ.
– މުއިއްޒު ވިދާޅުވިއެވެ.
އޭނާ ވިދާޅުވީ، ވާނުވާ ނޭނގުމުގެ ތެރޭގައި އެތައް އަހަރެއް، އެތައް މަހެއް، އެތައް ދުވަހެއް ވުމަކީ އިންސާފެއް ނޫން ކަަމަށެވެ. އަދި މި ސަރުކާރުން މިފަދަ ކޮންމެ ކަމެއް ކުރިއަށްގެންދަނީ ވަރަށް ބޭއިންސާފުން ކަަންވެސް މުއިއްޒު ވަނީ ފާހަގަކުރައްވާފައެވެ.
އެހެންވީމަ އަޅުގަނޑުމެން މިގޮތަށް މިރަށުގައި މިހާލަތު ދިމާވެފައި ތިބި ކުދިންގެ ކަންތައް ބަލައިދޭނަން، ވެރިކަން ލިބޭތާ ކުރީކޮޅު، ބަލާފައި އިންސާފުވެރިކަމާއި އެކީގައި. އެ ކުދިންނަކީ އެއްވެސް ކަހަލަ ކުށެއް ނެތް ކުދިން ކަމަށް އަޅުގަނޑަށް މައުލޫމާތު ލިބެނީ، އެކަން ބަލާފައި އިންސާފު ވެރިކަމާއި އެކީގައި އެންމެ ރަނގަޅަކަށް އެކަން ހައްލުކޮށްދީ އެކަން ނިމުމަކަށް ގެނެސްދޭނަން. މުއިއްޒު ވިދާޅުވިއެވެ.
މުއިއްޒު ވިދާޅުވީ، އިދިކޮޅު ކޯލިޝަން ވާނީ ރައްޔިތުންނަށް ހެޔޮ އެދޭ ބަޔަކަށް ކަމަށާއި، އެހެން ބައެއްގެ ޕްރެޝަރަށް ނުވިސްނާނެ ކަމަށެވެ.
