ތ.ގުރައިދޫ ރައްޔިތުންގެ އެންމެ ބޮޑު އުންމީދު ކަމުގައިވާ އެރަށުގެ އެއާޕޯޓް ތަރައްޤީކޮށް ހަގީގީ ކުލަ ޖައްސާދޭނެ ކަމުގެ ޔަގީންކަން ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ދެއްވައިިފިއެވެ.
ރިޔާސީ ކެމްޕޭންގައި ގުރައިދޫއަށް ވަޑައިގެން އެރަށުގެ ރައްޔިތުންނާއި ބައްދަލު ކުރައްވާ ވާހަކަ ދައްކަވަމުން މުއިއްޒު ވިދާޅުވީ މި އަތޮޅުގެ މިރަށަށް އެންމެ މުހިންމީ އެއާޕޯޓެއް ކަމަށް ވިދާޅުވެ މުއިއްޒު ވަނީ އެއާޕޯޓެއް އެޅުމަށް ހިއްކަން ޖެހޭ ބިން ހިއްކުމުގެ މަޝްރޫޢު ވެސް ފައްޓަވާ ދެއްވާނެކަމަށް ވައުދުވެފައެވެ.
އަޅުގަނޑު ވެރިކަމަށް އައިސް އެންމެ ފުރަތަމަ ވެސް ގެންނާނީ ރައީސް ޔާމީންގެ ޒަޢާމަތުގައި ގުރައިދޫ އަށް ގެނެސްދީފައިވާ ތަރައްޤީ. ވޭތުވެގެން ދިޔަ ފަސް އަހަރު އެއްވެސް ކަމެއް މި ސަރުކާރަށް ކޮށްދެއްވިފައި ނުވޭ. މިރަށުގެ އެއާޕޯޓް އެޅުމަށް ހިއްކަން ޖެހޭ ބިން ހިއްކުމުގެ މަޝްރޫޢު ވެސް ފައްޓަވާނަން.
– މުއިއްޒު ވިދާޅުވިއެވެ.
މިރަށަށް ގެނެސްދޭންޖެހޭ ތަރައްޤީ ގެނެސްދޭ އިރު ދެން އެންމެ އިސްކަމެެއް ދޭނީ މިރަށުގެ މަގުތައް ހެދުންކަމަށް މުއިއްޒު ވަނީ ފާހަގަކުރައްވާފައެވެ. މިރަށުގެ މަގުތަކުގައި ތާރު އަޅުއްވައި ދެއްވާނެކަމަށް ރައީސް ޞާލިހް ވިދާޅުވި ނަމަވެސް އެ ވައުދުވެސް ފުއްދާދެއްވާފައި ނުވާކަމަށް މުއިއްޒު ވަނީ ވިދާޅުވެފައެވެ.
PPM PNC ge Riyaasee Candidate Dr. Mohamed Muizzu Th.Guraidhoo rayyithunnaa bahdhalu kurevvun @MMuizzu #Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/pN5Sf6ptrk
— Progressive Party of Maldives (@ProgressPartyMV) September 3, 2023
މުއިއްޒު ވަނީ ގުރައިދޫ އަކީވެސް ކުރިއަށް އޮތް އިންތިޚާބުގައި އެއްބުރުނން އިންތިޚާބު ކާމިޔާބު ކުރުމަށް ބޮޑު އެއްބާރުލުމެއް ލިބިގެންދާނެ އަދި ގުރައިދޫގެ މެޖޯރިޓީ ލިބިގެންދާނެ ރަށަކަށް ހަދާދޭނެކަމުގެ ޔަގީންކަން އޮތްކަމަށް ވިދާޅުވެފައެވެ.
ކޮމެންޓު ފޮނުވާ