ސައުތުގެ ސްޕަސްޓާރު ރަޖްނީ ކާންތުގެ ފިލްްމް "ޖެއިލާ" އެމެޒޯން ޕްރައިމް ވީޑިއޯ އަށް ދޫކޮށްލަން ނިންމައިފި އެވެ.

މި ފިލްމް އަކީ އޭނަގެ ސިގްނޭޗާލާ ސްޓައިލްގެ އެކްޝަން ފިލްމްއެކެވެ. ރަޖްނީކާންތުގެ ފިލްމެއް ސިނަމާއަށް މިއައީ ދެ އަހަރަށް ފަހު އެވެ. މިއީ ހަމަ އޭނާގެ ސްޓައިލްގެ ވަރުގަދަ ތަޅާފޮޅާ މަންޒަރުތައް ހިމެނޭ ފިލްމެކެވެ.

މިދިޔަ މަހުގެ 10 ގައި ސިނަމާތަކަށް ގެނައި މި ފިލްމަކީ ނެލްސަން ދިލިޕްކުމާރު ޑައިރެކްޓްކުރި އެކްޝަން ކޮމެޑީއެކެވެ. ޖުމްލަ 240 ކްރޯޑް ރުޕީސް (29 މިލިއަން ޑޮލަރު) ގެ ބަޖެޓަކުން ހެދި "ޖެއިލާ" އަށް ބޮކްސް އޮފީހުގައި މިހާތަނަށް 602 ކްރޯޑް ރުޕީސް (73 މިލިއަން ޑޮލަރު) ލިބިފައިވެ އެވެ.

"ރަޖްނީ ދަ ޖެއިލާ"ގައި ރަޖްނީކާންތުއާ އެކު މުހިންމު ރޯލުތަކުން ފެންނާނީ ތަމަންނާ ބާޓިއާ، މޯހަންލާލު، ޖެކީ ޝްރޮފް، ރާމިއާ ކްރިޝްނަން، ޔޯގީ ބާބޫ، ވަސަންތު ރަވީ އަދި ޝިވާ ކުމާރާއި ސުނިލްއެވެ.