ބޮލީވުޑްގެ ދެ ސްޓާކިޑުން ކަމުގައިވާ އިބްރަހިމް އަލީ ހާން އާއި ހުޝީ ކަޕޫރު އެކީގައި ފިލްމަކަށް ތައްޔާރުވަމުން އަންނަ ކަމަށް ރިޕޯޓްތައް ބުނެފިއެވެ.
މި ދެތަރިން އެކުގައި ފިލްމް އަކުން ފުރުސަތު ލިބިފައިވާ ކަމަށް ރިޕޯޓްތަށް ބުނާއިރުގައި މިދެތަރިން ވެސް އަންނަނީ ބޮލީވުޑްއަށް ތައާރަފް ވުމަށް މަސައްކަތް ކުރަމުންނެވެ. ހުޝީގެ އަލަތު ފިލްމް "ދަ އާޗީސް" ޑިސެމްބަރު 7 ގައި ނެޓްފްލިކްސް އިން ޕްރިމިއާ ކުރުމަށް ނިންމައި ވަނީ އިއުލާން ކޮށްފައިއެވެ. އަދި އިބްރާހީމް އިބްރާހިމް މިހާރު އަންނަނީ "ސަރުޒަމީން" ކިޔާ ފިލްމެއްގެ މަސައްކަތްކުރަމުންނެވެ.
މެދެތަރިން އެކުގައި ފިލްމް އަކުން ފެންނާނެ ކަމަށް ބުނަން ފެށީ އިއްޔެ، ކާސްޓިން ޑިރެކްޓަރު މުކޭޝް ޗަބްރާގެ އޮފީހަށް ގޮސް އުޅެނިކޮށް ފެނިގެންނެވެ. އެ މަންޒަރު ފެންނަ ވީޑިއޯ ވެސް ސޯޝަލް މީޑިއާގައި އާންމުވެފައިވެއެވެ. މުކޭޝް އަކީ ބޮލީވުޑްގެ އެންމެ ނުފޫޒު ގަދަ އެއް ކާސްޓިން ޑިރެކްޓަރެވެ.
View this post on Instagram
އިބްރާހީމަކީ އެކްޓަރު ސައިފް އަލީ ޚާން އާއި ކުރީގެ ބަތަލާ އަމްރިތާ ސިންގްގެ ދަރިއެކެވެ. އަދި މިހާރުގެ ޒުވާން ބަތަލާ ސާރާ އަލީ ޚާންގެ ކޮއްކޮއެވެ. ހުޝީ އަކީ ކުރީގެ ބަތަލާ ސްރީދޭވީގެ ހަގު ދަރިފުޅު އަދި މިހާރު ކުރިއަރަމުން އަންނަ ޒުވާން ބަތަލާ ޖާންވީ ކަޕޫރްގެ ކޮއްކޮއެވެ.
