ބޮލީވުޑްގެ ދެތަރިން ކަމުގައިވާ އަރުޖުން ކަޕޫރު އާއި މަލައިކާ އަރޯރާގެ ލޯބީގެ ގުޅުން ނިމިފައި ވާކަމަށް ދެކެވޭ ވާހަކަތަކަކީ ހަގީގަތެއް ނެތް ފޭކް ވާހަކަ ތަކެއް ކަމަށް އެމީހުންގެ ގާތް މީހަކު ބުނެފައިއެވެ.
މި ފަހުން މީޑިއާއިންވަނީ އެމީހުން ގުޅުން ނިމިފައިވާ ކަމަށް ބުނެ ރިޕޯޓް ކޮށްފައިއެވެ. އަދި އެއާއި އެކުގައި އަރުޖުން މިހާރު އެހެން މީހާކާ ލޯބީގެ ގޮތުން ގުޅިގެން އުޅޭ ކަމަށްވެސް މީޑީއާއިން ވަނީ ބުނެފައިއެވެ.
ނަމަވެސް އެމީހުންނާއި ގާތް މީހަކު ބުނި ގޮތުގައި އެދެމީހުންގެ ގުޅުން އަދިވެސް ހަމަ ރަނގަޅު ކަމަށާއި އެކަން ބޮޑުކޮށްލައިގެން އުޅޭނީ މީޑިއާއިން ކަމަށް ބުނެފައިއެވެ. އިތުރަށް އެމީހުން ބުނީ އެދެމީހުން ރުޅިވެއްޖެ ކަމަށް ބުނެ ފަތުރަމުން އަންނަ ހަބަރުތަކުގެ ސަބަބުން ދެމީހުންވެސް ތިބީ އިންތިހާއަށް ހިތްހަމަ ނުޖެހިފައި ކަމަށެވެ.
View this post on Instagram
މަލައިކާ އާއި އަރްޖުން ލޯބީގެ ގޮތުން ގުޅިގެން އުޅޭތާ އެތައް އަހަރެއް ވެއްޖެ އެވެ. ނަމަވެސް 2019 ވަނަ އަހަރު އެމީހުން ވަނީ އެކަން ރަސްމީކޮށް އިއުލާންކޮށްފަ އެވެ. އެއާއި އެކުގައި ގިނަ ބަޔަކު ވަނީ އެގުޅުމަށް ފާޑުކިޔައިފައިއެވެ. މަލައިކާގެ އުމުރަކީ 49 އަހަރެވެ. އަދި އަރުޖުން އަށް ވީ އެންމެ 38 އަހަރެވެ.
މަލައިކާ އާއި އަރުޖުން ގެ އުމުރުގެ ބޮޑޫ ފަރަގު އެއީ އަބަދުވެސް މީހުން ދައްކަމުން އަންނަ ވާހަކައެކެވެ. ނަމަވެސް އެއިން އެއްވެސް ކަމަކަށް އެމީހުން ފަރުވާލެއް ނުބަހައްޓައެވެ. އަރުޖުން އަށް ވުރެ އެތަށް އަހަރެއް ދޮށީ މަލައިކާ އަކީ ސަލްމާން ގެ ކޮއްކޮ އަދި އެކްޓަރު އަރުބާޒުގެ ކުރީގެ އަންހެނުންނެވެ. އެ ދެމީހުން ނަށް ވަނީ ފިރިހެން ކުއްޖެއް ވެސް ލިބިފައިއެވެ. އެއީ މިހާރު ޒުވާން އުމުރުން 20 އަހަރުގެ އަރްހާން ހާންއެވެ.
