ރިޔާސީ ކެމްޕޭންގައި މިއަދު ޑރ.މުއިއްޒު ބ.އޭދަފުއްޓަށް ވަޑައިގެންނެވުމުން އެރަށުން އާދަޔާއި ޚިލާފް ހޫނު މަރުޚަބާއެއް ދަންނަވައިފިއެވެ.
މުއިއްޒު އޭދަފުއްޓަށް ފޭބީ ކުރުފަލި ޖެހުމުގެ ސަޤާފީ އައިޓަމަކާއިއެކުގައެވެ. މުއިއްޒުއާއި ސަލާންކުރަން ދަމާލާފައި އޮތް ސަފު އޮތީ ކޮޅާއިކޮޅު ނުފެންނަ ވަރަށް ދަމާލާފައެވެ. މަގުގެ ދެފަރާތުގައި ސަފު ހަދާލާފައި އޮތްއިރުވެސް ދެސަފުގައިވެސް ކޮޅާކޮޅު ނުފެނެއެވެ.
މުއިއްޒުއަށް މަރުހަބާ ކިޔަން ނިކުމް މީހުން ވަނީ އެއްބުރުން މުއިއްޒު ހޮވާނެކަމަށް ބުނެ ޝުއޫރުފާޅުކޮށްފައެވެ. މިއީ ބ.އަތޮޅުގެ ރަށްތަކަށް މުއިއްޒު ކުރެއްވި ދަތުރުގައި އެންމެ ހޫނު މަރުޚަބާއެއް ކީ އެއްރަށެވެ. މިރަށަކީ ޕީޕީއެމްގެ ޕީޖީ ގްރޫޕްގެ ލީޑަރު އަހުމަދު ސަލީމްގެ އުފަން ރަށެވެ. އަދި މަޖިލީހުގައި ތަމްސީލް ކުރަނީވެސް އޭދަފުށި ދާއިރާއެވެ.
މުއިއްޒު ރިޔާސީ ކެމްޕޭނަށް މިހާތަނަށް ވަޑައިގެންނެވި ރަށްތަކުން ވަނީ ވަރަށް ހޫނު މަރުޚަބާއެއް ދަންނަވާފައެވެ. ޚާއްސަކޮށް ބޮޑެތި އާބާދީތަކުން މުއިއްޒއަށް އާދަޔާއި ޚިލާފް ހޫނު މަރުޚަބާއެއް ދަނީ ކިޔަމުންނެވެ.
