މަޝްހޫރު އެކްޓަރު/ ޑައިރެކްޓަރު ފަރުހާން އަހުތަރު ގެ އަމިއްލަ ޕްރޮޑަކްޝަން ހައުސް އެކްސެލް އެންޓަޓެއިންމަންޓުން ގެނެސްދޭ ކްރައިމް ތުރިލާ ސީރީޒް "ބޮންބައި މޭރީ ޖާން" އަންނަ މަހު 14 ގައި ސްޓްރީމް ކުރަން ފަށަން ނިންމައިފި އެވެ.
ސ.ހުސައިން ޒައިދީގެ ވާހަކައެއްގެ މައްޗަށް ބިނާކޮށް ގެނެސްދޭ 10 އެޕިސޯޑުގެ މި ވެބްސީރީޒް އަކީ ކްރައިމް-ތުރިލާއެކެވެ. "ބަމްބާއީ މެރީ ޖާން"ގެ ގްލޯބަލް ޕްރިމިއާ ސެޕްޓެމްބަރު މަހުގެ 14 ވަނަ ދުވަހު ބޭއްވުމަށް ހަމަ ޖެހިފައިވާ އިރުގައި މި ސީރީޒް ގެެނެސްދޭނީ އެމެޒަން ޕްރައިމް ވީޑިއޯ އިންނެވެ.
2006 ގައި ނެރުނު ބޮލީވުޑްގެ ފިލްމު "ރަންގު ދެ ބަސަންތީ" އާއި ޑައިލް 100″ގެ ސްކްރީންރައިޓަރު ރެންސިލް ޑި ސިލްވާ އާއި މި އަހަރު ނުކުތް "ދަ އަންޑަބަގް"ގެ ޑައިރެކްޓަރު ޝުޖާތު ސައުދާގަރް އާއި ދެމީހުންގެ ބުރަ މަސައްކަތް މި ބެބް ސީޒީް އިން ފެނިގެން ދާނެއެވެ. އެމީހުންނަކީ މި ސީރީޒްގެ ކްރިއޭޓަރުން ވެސް މެ އެވެ.
މި ކްރައިމް ތުރިލާގެ މުހިންމު ރޯލުތަކުން ފެންނާނީ ކޭ ކޭ މެނަން، އަވިނާޝް ތިވާރީ، ކްރިތިކާ ކަމްރާ، ނިވެދިތާ ބަޓަޗާރިޔާ އަދި އަމީރާ ދަސްތޫރެވެ.
