ބޮލީވުޑްގެ މަޝްހޫރު ތަރި ޝާހްރުކް ޚާންގެ ފިލްމު "ޑަންކީ" މި އަހަރު ބެލުންތެރިންނަށް ނުގެސްދީފާނެ ކަމަށް ބެލެވެން ފަށައިފި އެވެ.
މިހާރު ޝޫޓިން ނިންމައި ޕޯސްޓް ޕްރޮޑަކްޝަންގެ މަރުހަލައިގައި އޮތް ފިލްމް ރިލީޒް ކުރުމަށް ތާވަލް ކޮށްފައި އޮތީ މިއަހަރުގެ ޑިސެމްބަރަށެވެ.
މީޑިއާއިން ބުނާގޮތުގައި ޑިސެމްބަރު މަހުގެ 22 ގައި ޝާހްރުކްގެ ފިލްމު ގެނެސްދޭން ކުރިން ޕްލޭންކޮށްފައި އޮތް ނަމަވެސް ފިލްމު މި އަހަރު ރިލީޒްކުރުމުގެ ފުރުސަތު ވަރަށް ކުޑަ ކަމަށެވެ. މީ ކާމިޔާބު ޑައިރެކްޓަރު ރާޖް ކުމާރު ހިރާނީ ގެ ފިލްމްއެކެވެ.
އަދި ކުރިން މި ފިލްމް އަކީ ޝާހުގެ މިއަހަރުގެ ތިން ވަނަ ފިލްމްގެ ގޮތުގައި ޕްރޮމޯޓް ކުރަމުން އައި ފިލްމްއެއް ވެސް މެއެވެ. އެގޮތުން އެންމެ ފުރަތަމަ ބެލުންތެރިންނާއި އޭނާ ބައްދަލު ކުރީ ފިލްމް "ޕަޓާން" އިން ދީޕިކާ އާއި އެކުގައިއެވެ. ކުރިއަށް އޮތީ ސައުތުގެ ބޮޑު ކާސްޓަކާއި އެކުގައި އޭނާ ފެނިގެންދާ ފިލްމް "ޖަވާން" އެވެ. ލީޑުން ޝާހު އާއި އެކުގައި ފެނިގެން ދާނީ ނަޔަންތަރާއެވެ.
"ޑަންކީ" އަކީ ތިންވަނަ ފިލްމްއެވެ. ނަމަވެސް ފިލްމް މިއަހަރު ބެލުންތެރިންނަށް ގެނެސްދޭނެ ކަމަށް މިހާރު ބެލެވެނީ އަންނަ އަހަރުގެ ކުރީކޮޅުގައިއެވެ. ނަމަވެސް ފިލްމް ލަސްކުރަން ނިންމި ސަބަބެއް މިހާތަނަށް ހާމަކޮށްފައިއެއް ނުވެއެވެ.
ނަމަވެސް މި އަހަރުގެ ޑިސެމްބަރުގައި ގެނެސްދިނުމަށް ގިނަ ފިލްމް ތަކެއް ވަނީ ތާވަލް ކޮށްފައިއެވެ. އެގޮތުން ގެނެސްދޭ ހުރި ފިލްމުތަކުގެ ތެރޭގައި ރަންބީރު ކަޕޫރްގެ "އެނިމަލް" އާއި ކަންގަނާ ރަނާވަތުގެ "އިމަޖެންސީ" އާއި ޝާހިދު ކަޕޫރްގެ ފިލްމެއްގެ އިތުރުން ވިކީ ކޯޝަލްގެ "ސޭމް ބަހާދޫރު" ހިމެނެ އެވެ. އެހެން ކަމުން ފިލްމް އަކާއި މުޑިއަރަން ބޭނުން ނުވާތީ ފިލްމް ލަސްކޮށްލީ ކަމަށް ބެލެވިދާނެއެވެ.
"ޑަންކީ" އަކީ ހިޖުރުކުރުމާ ގުޅޭ ގޮތުން ހަދާ ސޯޝަލް ކޮމެޑީއެކެވެ. ފިލްމް ގެ ލީޑުން ޝާހު ފެނިގެން ދާއިރުގައި މި ފިލްމް ގެ ކާސްޓުގައި ތާޕްސީ ޕަންނޫ ވިކީ ކޯޝާލް އާއި ބޮމަން އިރާނީ ވެސް މުހިންމު ރޯލުތަކުން ފެނިގެންދާނެ ފިލްމްއެކެވެ.
