ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހްގެ ވެރިކަމުގައި އަންހެނުންނަށް ހޯދަވައިދެއްވި ކުރިއެރުންތައް ފާހަގަކުރުމަށް "އުފާވެރި އަންހެނުން" (ޓީ ވިތް އިބޫ)ގެ ނަމުގައި އެމް.ޑީ.ޕީގެ އަންހެނުންގެ ރޫޙުން ކެމްޕެއިން ހަރަކާތެއް ކުރިއަށް ގެންގޮސްފިއެވެ.
މި ހަރަކާތް ކުރިއަށް ގެންގޮސްފައިވަނީ އަތޮޅުތަކުގެ ރަށްތައް ހިމެނޭހެން އެމްޑީޕީގެ ހުރިހާ ހަރުގެތަކެއްގައި މިއަދު ހަވީރުއެވެ. މިގޮތުން މާލެ ސަރަހައްދުގައި މި ހަރަކާތް ފެށުމުގެ ބައްދަލުވުން ކުރިއަށްގެންގޮސްފައިވަނީ ހުޅުމާލެ ފޭސް 1ގެ ރުއްގަޑު އެކެއްގައެވެ. މި ހަރަކާތުގައި އެމްޑީޕީގެ ރިޔާސީ ކެންޑިޑޭޓް އަދި ރައީސުލްޖުމްހޫރިއްޔާ އިބްރާހިމް ޞާލިހްއާއި އެމަނިކުފާނުގެ އަނބިކަނބަލުން ފަޒްނާ އަޙްމަދު ބައިވެރިވެވަޑައިގެންނެވިއެވެ. މި ހަރަކާތުގައި ބައިވެރިވެވަޑައިގެން ރައީސް ޞާލިހް ވަނީ އެމްޑީޕީގެ އަންހެން ސަޕޯޓަރުންނާ ބައްދަލުކުރައްވާ ވަގުތުކޮޅެއް ހޭދަކުރައްވާފައެވެ.
. @MDPWomensWing އަދި ގުޅިފައިވާ ޕާރޓީތަކުގެ ފޯރިގަދަ، ފިސާރި އަންހެންވެރިން މިތިބީ ނިކުމެ ގަދަކޮށް ރައީސް އިބޫ ދެވަނަ ދައުރަކަށް ހޮވަން 💛💪#IbuAslam2023 #UfaaveriAmaanRaajje#UfaaveriAnhenun pic.twitter.com/gSOCxdErqH
— Hussain Shafiu #Ibu2023 (@charly_thuthu) August 18, 2023
"ޓީ ވިތް އިބޫ" ހަރަކާތަކީ އެމްޑީޕީގެ އަންހެނުންގެ ރޫހުން އިންތިޒާމްކޮށްގެން، ގުޅިފައިވާ ކޯލިޝަންގެ އަންހެން ކައުންސިލްގެ އިސް ބޭފުޅުންނާއި އެކުގައި ކުރިއަށް ގެންދިޔަ ހަރަކާތެކެވެ. މިހަރަކާތުގައި ލައިވް މިއުޒިކްއާއި ބޮޑުބެރުގެ ހަރަކާތްތައްވެސް ވަނީ ކުރިއަށްގެންގޮސްފައެވެ.
ރައީސް ޞާލިހުގެ ރިޔާސީ ކެމްޕޭންގެ ހަރަކާތްތައް މުޅި ރާއްޖޭގައި ހިންގަމުންދާއިރު، މާދަމާ ރ.އަދި ބ.އަތޮޅަށް ރައީސް ޞާލިހު ކުރައްވާ ދަތުރުފުޅުގައި ފުރުމަށް ވަނީ ހަމަޖެހިފައެވެ.
